Ralkap nih Chin Mi An Thah Hna

Ralhrang Kahnak In Thantlang Ah Minung Pahnih An Nunnak Liam Pu Ral Tu(Bawi Bik Thawng pa) le Pu Hram Cung(Khen Ling pa) cu ralhrang kut in an nunnak a liam. Pu Hram Cung hi mawtaw hnulei ah a thu ve mi a si i,cu a thutnak hmun ahcun a nunnak a liam hi a si. An ruak hi Hakha bukip fonh Pastor nih kal hnawh in an va fimtawl hna

Hakha SAC Tender a Latu pawl October 1 Thawk in CDF-Hakha nih Dantat Timh Hakha SAC nih a auhmi Tender le a dangdang rian pawl a latu/aa tlaihtu pawl cu October 1 thawk in fak fak piin dantatnak pek an si lai, tiah CDF-Hakha nih ca an chuah. September 5 ah khan CDF-Hakha nih cathanh an rak chuah cang i, September thlathih tiang lawng SAC Tender rian ttuannak nawl pek nan si lai, tiah thawngthanhnak an rak tuah. The Chin Journal

Hakha ah Datsi Thawl Khat 2,500MMK a Phan – September 30 tiang ah Hakha khuachung datsi man 2,500MMK tiang a phan. Ahlan ah 1,000MMK hrawng in rak cawk tawnmi a si. Dawr ngan deuh ah cun 2,300MMK zong in a zuartu an um ve nain dawr fa deuh pawl ah cun 2,500MMK in an zuar hna. ”Hakha ah Datsi phortu motor pawl ahlan bantuk in an tlunkal khawh ti lo caah a man a kai hi a si,” tiah datsi dawrngei pawl nih an chim. “AUNG AUNG” datsi dawr belte ah cun thawl khat ah 1,600MMK hrawng in zuar a si rih. The Chin Journal

Ralhrang hna bawmtu U Tae Zah (Htoo company)riantuannak he pehtlaihnak ngeimi business vialte cu dantat piak ding in JMF nih a nawl Hramhram nawlngeihnak la tu ralhrang phu hna he pehtlaihnak ngei mi U Tae Zah ngeihmi Htoo phu hna he a pehtlai mi dihlak cu ramkip nih dantat khawh nak ding in hmalak piak ding ah Justice for Myanmar phu nih September 27 ni ah cathanh an chuah. Cu cazin chung ahcun Tthu phu company (HGC) tel in company 60 an i tel tiah JMF nih tu lio checkhlat khawh mi cazin ning a si.

Htoo company phu tam deuh (HGC)cu Myanmar ralhrang phu he thuk ngai in pehtlaihnak a ngei . A luancia September 2 ah Myanmar ralhrang cu hriam le phaisa in bawmhnak a pek mi tette hna he British cozah nih Htoo phue le chairman si mi U Tae Zah cu sualphawt in dantat hmalak ding ah a khiah. Cu kong he pehtlai in Htoo phu nih a luancia September 6 ni ah cathanh chuah in an leh hna. Cu cathanh chung ahcun an riantuannak kong he pehtlai in dantat/phih piak ding in biakhiah nak cungah lung tlin lo,

Dantat le phihpiak ding ah biakhiahnak cung ah a herhmi konglam hna cu tlamtling in a um lo tiah theihternak an leh hna. Ralhrang phu hna nuh hramhram riantuan nak cu Htoo phu le business ngan ngeimi hna nih thazaang an pek, ramkip in le U Tae Zah tel in a chungkhar hna he an riantuannak, cun Myanmar ralhrang phu hna he pehtlaihnak a ngei mi business ngan tuahmi riantlai hna cu dantat in phihpiak nak le hmalak piak colh ding ah JFM nih a nawl.Enter

Be the first to comment

Leave a Reply

Your email address will not be published.


*