Kum 2022 caah US Dollar Billion 770 hman dingmi US Runvennak upadi (National Defense Authorization Act-NDAA) cu President Biden nih Dec 27 (US lei) ah fehternak minthut a tuah cang tiah theih a si. Hi upadi NDAA chungah hin NUG cozah phungning tein cohlannak kong le NUG tang vuancizung pahnih bawmhnak kong aa tel.
NDAA ah NUG cohlannak le NUG tang vuancizung pahnih bawmhnak kong aa tel lawng si loin ralhrang bu (SAC) cohlan lo ding zong aa telchih tiah Reuter nih a ṭial. NDAA upadi thar an fehter ni in ni 60 chungah Myanmar he pehtlai in US Cozah nih US Hlutdaw ah ripawt an pek lai.
Cozah nih hlutdaw i ripawt an pek tikah Myanmar democracy kongah US Policy le runvennak kong, US cozah nih Myanmar a bawmhnak kong le Russia le China nih Myanmar he pehtlai in policy an ngeihmi kong zong telhchih a si fawn lai. Ramkhel cabia ṭial thiam U Yee Myo Hein nih cun NDAA an fehter hlan Dec 18 ah khan,.
“US cozah nih a ser tharmi upadi ah hin NUG hi zeitindah kan bawmh lai i phungning tein kan cohlan lai timi le nawlngeihnak latu ralhrang bu hi phungning cozah a si khawh lonak dingah zeitindah hma kan lak lai timi zong an i tel men lai” tiah a rak ṭial cang. Cu lawng si loin 2022 chungah Myanmar ram caah,.
US Dollar million 136 le 127000 (Nuai 136, singkhat thongkul le thongsarih) hman ding, cu tangka cu NUG ukhruainak le CDM hna bawmhnak ah hman ding tiah fiangtein an langhter. NUG ukhruainak timi ah hin nuhrin covo vuancizung le nu-mino-ngakchia vuancizung caah a si lai.
NDAA upadi chungah hin Ukraine runvennak caah dollar million 300, Europe ram hna runvennak caah dollar billion 4 le Pacific hmunhma runvennak caah dollar billions 7.1 hman ding timi zong an i tel hna. Ref: Reuter , The Chin Post
Naitan Russia President nih a ralkap General hna he biarauhnak an ngeih lio ah North Atlantic Treaty Organisation(NATO) thihphaihnak aw-aan a rak chuah cang. Ukraine he an buainak ah NATO aa rawlh ve a si ahcun an caah harnak faakpi a chuak lai, tiah a rak hro hna.
NATO nih Russia cu Ukraine ramri ralkap a chiahmi vialte kirter ding in a rak chimh ve. Hi buainak ah hin vawleicung ram nganngan UK, France, Germany le US hna zong nih Ukraine an dirkamhnak an rak langhter. December 26, Zarhpini ah khan NATO Secretary General Jens Stoltenberg nih cun a ra lai mi,.
January 2022 chung ah NATO-Russia Council tonbiaruahnak ngeih an duh kong a chim. Sinain Russia lei nih NATO he tonbiaruah an duh le duh lo kong an chim rih lo. NATO in chimphuanak nawl a ngeitu ni cun, “January 12 ah tonbiaruahnak ngei ding in Russia kan pehtlaih peng ko hna,” tiah a chim.
Moscow(Russsia khualipi) lei duhning in kumthar January 12 khi NATO Secretary nih Meeting an ngeih ni ding ah a phuan. Khi January 12, 2022 khi member 30 umnak NATO ramkulh ralkap lutlai hna nih Brussels khuapi ah nihnih awh ding meeting an thawk ni ding a si. The Chin Post
Leave a Reply