Ralkap cozah nih Japan ram i Embassy riantuantu pahnih hna cu an rian in an phuah

Myanmar ralkap cozah nih Tokyo ram i Embassy riantuantu official pahnih hna cu duhlonak langhtertu hna thazaang an pek caah an rian in an phuah.

Japan i Kyodo news agency nih cun an rian in an phuah mi hna pahnih hi Administrator Aung Soe Moe le a tang i riantuanmi pakhat asi tiah a langhter. Official pahnih hna nih hin an Facebook ah Myanmar ram i duhlonak langhtertu thazaang pek nak caa an post.

Mah ruangah an rian hin phuah an si, Embassy zong an chuah tak cang, an passport zong dongh ter asi.

Tokyo i Myanmar mi hna bawmhnak in Japan ah an um peng rih ko.

Kyodo news agency nih cun Myanmar ralkap cozah nih hin ram dang dang i palai a chiah mi hna lakah ralkap uknak doh tu hna minung 100 hrawng cu an rian in an phuah cang tiah a langhter.