Ralkap Chimh An Ngeih Lo Tuk Caah Tuzing Ah KIA Ralkap An Kah Hna

September 8 zinglei suimilam 10:45 hrawngah Tanaing le Shingbawiyang lei a rak kai mi ralhrang 100 hrawng cu Lajiabum ah KIA he fak ngaiin an i kap tiah theih a si. Tanaing in Darung lei kalnak Tanaing – Shinbawiyang lam hi nizaan September 7 zinglei in KIA nih an phih cia mi a si. Taniang in mawtaw he a rak kai mi hna cu Pannet khua ah phih an si i, Shinbawiyang in Tanaing lei a tum mi hna cu Lajiabum khua ah KIA battalion 45 nih an phih.

Darung khuami pakhat nih; langtlang in an khamh mi a si.Atu ralhrang pawl Shinglung Ga an phan cang. KIA lei nih nan kal ahcun kan in kah hna lai tiin kan kham, ralhrang lei zong cunglei order a si i, an kal hrim lai ka zumh tiah KNG sin ah a chim. I kahnak kong he pehtlaih in khuami pakhat nih; a tunai bak an i kap. Meithal ngan thawng kan theih hmasa, mah hnu cu meithal thawng a dai ti lo.

Ralhrang hna hi nizaan in an rak phan cang. KIA lei nih an rak kai rih ahcun kan kah hna lai an ti hnu an kai chih caah tuzing cu an i kap cang tiah a chim. Darung khua hi ralhrangbu hna an rak um bal nak a si i, ralhrangbu nih uknak a lak hnuah ROC – Tanaing ah an i fonh hnuah KIA battalion 45 nih umhmun an khuar cang. Tuzing i kahnak ruangah Lajiabum khuami hna cu hmunhimnak lei ah an zaam tiah khuami pakhat nih a chim tiah Kachin waves nih a chim. Ref; KNG, The Chin Post

“Chin Person of the Year” tihi ‘Peng Person of the Year” tiah thlen ah ttha ko lo maw? Chin Person of the Year hi kumtin ti awk in tuah a si i abik Halkha le Falam nih an tuah kan ti lai cu. Halkha lei tuah mi “2021 Chin Person of the Year” caah Chinram pengkip le phukip dirhmi CDFs an pek hna. Falam nih “2021 Chin Person of the Year” caah hlasak thiam Benjamin Sum an thim .

Mah nih khua a ka ruah ter ngaimi cu , “Chin Person of the Year” kan ti ttung i kanmah pengcung lawngte ipek si,mahti peng,.Person of the Year tiah caposaih nak hmangtu an um hi an mawh lo.Capo saihnak le zeirel lonak a hmangtu hna khi mawhchiat ngam ding an silo,kanmah nih pei kan filter dih cu.

“Chin Person of the Year” tihi ‘Peng Person of the Year” tiah aminthlen duhmi nih comment ah nan kut hun thlir te ulaw. A ruang cu “Chin” timi min hman riangmang ttung I mah pengchung deuh kan i Person pengmi hi adik lo,Vawrvok kah i Ngal ka kah ruah tiah vawhla i thawh phun khi si cuh. Chinland 7 Post

Be the first to comment

Leave a Reply

Your email address will not be published.


*