ralkap Cah Nunnak Pek In Rian A Tuanmi Dalan Ngan Mi 5 Tuni Ah An Thah Ruangmaang Hna

Yangon telh in kawlram chungah ralkap nih khinhmi khuabawi le ralkap thawng pe tiah ruah mi minung 5 ni hin chungah thah an si tiah theih a si. Tuni suimilam 10 hrawng ah khan Kha-yan peng i khua pakhat khuabawi cu a ho ti theih lomi nihmeithal in an kah i a thi. Cun, sagaing ramthen, Khin-Oo peng, Pin-Tin khua um pakhat cu ralkap thawngpe a si lengah hriam tlaih in ralkap a bawmtu zong a si tiah an zumh caah tuni zanlei sang suimilam 4 hrawng ah khan PDF nih meithal in an kah hnu ah namte in an sawh chih i a nunnak a liam.Enter

Cun, Sagaing ramthen, Myang myone i khua pakhat ah a ummi Shwe Oo timi pa cu, cu kaa hrawng i PDF cawlcangh nak le ral tuk an i timhmi thawngpang vialte kawl, ralkap sinah thawng a pek lengmang hna caah PDF nih Sep 12, sui -milam 2 hrawngah an thah ve tiah theih a si. Cun, Taningthari taing ah a ummi minung pakhat cu kawl ralkap thawngpang a pek lengmang hna caah tuni ah PDF nih an thah ve than. Cun, Sagaing ramthen ah a ummi minung pakhat zong ralkap thawng a pek lengmang hna caah tuni ah PDF nih an thah ve than. Credit _ RFA

Magwe ramtthen, Taungdwingyi peng, Taung Laung timi khua pawngah bunhmi Mytel Phone Tower tung bomb puah kong he pehtlai in Min Aung Hlaing ralhraang pawl nih tuni September ni 12, kum 2021 zing ah khan khua chungah lut in Ko Myat Soe le Ko Pyi Gyi timi khuami pahnih an thah hna. Hi kong he pehtlai in khuami pakhat nih “Mytel phone tower tung bomb puah ruangah khua chungah an rak lut i Ko Myat Soe le a naupa Ko Pyi Gyi an thah hna, an nih hi PDF zong an si lo i khuami sawsawh te an si ko,

Tu hi motor pa 8 bak in khua chungah cun an rak lut i PDF pawl nan chuah hna lo ah cun nan khua kan khangh lai tiah an kan tlerh.Enter Kan nih khua hi nichuah lei le nitlaak lei tiin kan i tthen, Mytel phone tung an bunhnak hi nitlaak lei kap khua ah si, tu hi kan nih nitlaak lei cu kan khuapi ning in kan zaam hna tiah a chim.Enter Min Aung Hlaing ralrhaang pawl nih hin an pu Lainawng pa simi Min Aung Hlaing le chungkhar hna nih an neihmi Mytel phone Tower tung pawl bomb puah le hrawhnak a chuakmi cungah an thin hunnak cu bomb a puah tu le a hrawh tu hna cungah si loin zei sualnak nei lo khuami hna cung tu ah an langhter ngai ngai.

Be the first to comment

Leave a Reply

Your email address will not be published.


*