Ralkap Bomhnak A cohlang tu Falam Church Min An hun langhter Cang

Falam Church 10 leng nih ralhrang thilpek an cohlan Ralhrang nih Pastor pakhat ah 18,000 an pekmi cu Falam khuachung Church 10 leng nih tuchun September 5 ah an cohlan tiah Zalen nih a tial. Ralhrang tangka pekmi a cohlang tu Church hna cu Benezer Baptist Church RC, Gospel Revival JCC Salvation Army ERC – Evangelical Methodist Church LCC @Ngun Cung Church tiah theihmi BPC- Biblical Presbyterian, le a dang church pathum an si. Credit – The Hakha Post

Myanmar ram chungah Min Aung Hlaing le a ralhraang pawl nih uknak an laak hnu in tuni caan tiang ah miphun dang cu chim lo kan mah Chin miphun chung te hmanh in minung 130 bak ralhraang kut in an thi cang tiah Chin miphun kongkau he pehtlai in ttuanvo nei tu hna nih August ni 31, kum 2021 ah khan thanhca an rak chuah. Ralhraang kut in a thimi hna lak ah hin mi sawsawh in 57 an i tel i Chinland Defense Force ralkap hna chung in 51 an i tel, mah hna chung hin kum 18 tang hngakchia 14 le nu pa 7 an i tel.

A luan ciami thlahnih chung kha cu nihnih ah minung pakhat tluk in an rak thi, an thih hnu ah an ruak laak khawh lomi zong an um hna. Chin miphun hna kan thihnak a ruang bik cu ralhraang le Chinland Defense Force ralkap hna kar ah a chuakmi kah dohnak ruangah a si i ralhraang pawl nih mipi umnak inn chung an luh hnawh ruang le ruahpadamh in an kahnak zong hin tamngai an thi ve.

A luan ciami August ni 25 ah Chin ramkulh Thantlang khua chung kah dohnak a chuakmi ruangah ralhraang pawl nih mipi zawn ruahnak um loin bomb tiang in an kah chih hna caah inn chung ummi hngakchia pa 2 telh in minung pa 3 an rak thi. Cu ruangah ralhraang lei nih kum tling lo hngakchia thihlohnak hi chuah ter ti lo ding le Chin miphun hna cungah nuhrin covo an buarnak kongah ramkip nih luh hnawh in dantatnak tiang kan tuah piak hna uh tiah thanhca an chuahmi cungah cun aa ttial chap. Chin24saven News

Nizan September ni 3, kum 2021 zanlei ah khan Mon ramkulh Tahtone district Pingnedaw khua in Bilin khua lei panh in kalmi Min Aung Hlaing ralhraang pawl phur tu motor pa 2 cu ralhraang lei ttang BGF nih an cawngh ko bu bak ah KNLA nih bomb in an puah hna. KNLA bom puahnak in ralhraang motor pa 2 a rawk viar, zei zat an thih theih si rih lo i ralhraang pakhat hliamhma faak ngai in a pu timi lawng theih ai rih.

Ralhraang phur tu motor pawl him tein an kal khawhnak hnga tiin nizan September ni 3 zing khan BGF pawl nih security an laak piak hna. Hi kong he pehtlai in KNU Briadge 1 in ttuanvo nei tu ralbawi pakhat nih a chim. Cun nizan September ni 3, zing suimilam 6:00AM hrawngah khan Karen ramkulh Hpa-an peng chung zongah Min Aung Hlaing ralhraang le KNLA hna kar ah kah dohnak chuak in KNLA nih ralhraang pa 3 an thah hna hlei ah pa 5 an hliam rih hna. Chib24saven News

Be the first to comment

Leave a Reply

Your email address will not be published.


*