Ralkap An Van A Sang Cang Ralkap Thazang Hrim a zawr Cang Tikah Phung An Buar Hawi Cang

Putaoo pengkomh ah kum-60 luan cang mi hna cu ralkap training an kai ter hna Kachin ramkulh, Putaoopengkomh ah KIA, PDF phu doh ding ah tiah ralhrang phu hna nih sawm in kum-60/70 tluk upa cu raldoh training an kai ter hna tiah Putaoo khuami hna nih an chim.

Khawnglanphoe peng Shingkhaungumhmun ah ralhrang phu hruaitu hna nih raldoh training hon dingah Putaoo peng, Nawngmon peng le Khawnglanphoe peng ah khuakhat lut khuakhat chuak in training kai ding an khawmhsuat hna nain,training kai ding an um lo caah atu bantukin kum upa kai ding ah an ti hna hi a si.

Ralhrang phu hruaitu hna nih Putaoo pengkomh chung peng 3 ah hmunkhat te le caan khat te ah mipi hna training an kai ding ah lemsoi nak a um nain a kai tu ding an um lo caah Putaoo peng, Khawnglanphoe peng ah training kai ni cu an thawn tiah theih a si.

Hramhram nawlngeihnak la tu ralhrang phu hruaitu hna nih kum-60/70 tluk upa cangmi hna cu atu bantuk raldoh training cawnding in lemsoi nak cu zeitluk in dah thluak an ngei lo . 2020 thimnak ah Yawam miphun in vuanci pakhat ah thimmi U Gang Jaw Yam nih “kum-60/70 luan cang mi upa hna raldoh training cawnter cu

Ramkip ralkap upadi he a tlak lo mi a si caah, atu bantuk an thil tuah hi ka doh/ka lungtling lo” tiah social media ah a langhter. Atu bantukin kum upa cangmi hna raldoh training cawnter an timh mi hna cungah Putaoo ( khuami hna nih anmah le social media ah an lungthat lo nak an langhter cio. DVB

Shan ramkulh, Loh Kai le Chin Shwe Haw timi kar motor lam cungah ruah faak tuk in a sur ruangah nizan September ni 21, kum 2021 ah khan motor pahnak chuak in pa, pakhat le nu pahnih an thi tiah thawngpaang theih a si. Nizan chun suimilam 2:50PM hrawng ah khan Loh Kai le Chin Shwe Haw motor lam, mengtung 17/3 zawn ah Loh Kai khua lei in a vun rami Mark II raangmi motor pakhat cu

Ruah faak tuk in a sur ruangah speed control kho ti loin lam khat lei in a vun ra vemi ke 10 bunhmi motor a va pah. Accident a cannak hmun ah meithat phu hna le phu dang dang hna nih kal hnawh in bawmhnak an va pek hna hnu ah Mark II motot cung cuangmi le a thimi hna ruak zong Loh Kai khua district sizung ah an kal pi hna.

Be the first to comment

Leave a Reply

Your email address will not be published.


*