Ralkap An Thin A Phang Tuk Cang

Tanintharyi ramthen Yiphyu peng Yi-Dawei motor lamkam i Dum vialte cu thianh dih dingin ralhrang nih dum ngeitu hna cu nawl an pek hna tiah khuami nih an chim. PDF le KNU hna nih bomb puah in a thlithup in an kan kah sual lai ti an tihphan ruangah dum vialte cu an thianhter dih hna tiah theih a si. October thla dih thawkin ralhrang nih khuabawi,

inn 100 ukbawi le sang upa hna sin in hmun ngeitu hna cu nawl an pek hna tiah theih asi. A luancia thla thawkin khua dang ahcun an thianhter dih cang hna i, atu thla thawkin cun kannih khualei zongah an kan thianhter cang. Nan tuah lo ahcun cu bantuk, kha bantukin kan in tuah hna lai tiah an kan hro caah, i manh lo buin kan tuah tiah khuami pakhat nih achim. – Than Lwin Times

hein Sein tapeh Ye Htut nih MAH a phomh rua Thein Sein cozah nih an rak i bochan ngaimi ralbawi hlun le vuanci hlun Ye Htut nih bawngbi kong zahan Fb ah a tial. Indirect in MAH a thuatmi asi tiah tampi nih an ruah. ‘Kan i zat lomi le kan phut lomi bawngbi kan i hruk ahcun kanmah ca lehlam thut sia a rem lo, pawngkam hmuhnak zong ah ai dawhcah lo, mah hngallo tiin mi nih an kan nek, keimah he kai tlak ti lomi bawngbi cu remh a herh, remh awk a that ti lo ahcun ai zami minung kha pek lawlaw a tha’ tiah a tial.

A cabia ah MAH min a telh lo nain amah a thuat ko tiah zapi nih ruah a si. Tlaih a tong ve men lai an ti cio. ‘MAH nih Ye Htut a tlaihter cang’ tiah tuzing kha media cheukhat zong nih biachawkvai an tial ve. Nain an tlaih hraw lo. Ye Htut hi ralkap hlun a si i USDP le ralkap tanpitu tampi nih an uar ngaimi a si. Cathiam pakhat a si fawn. Tutan a cabia nih ralkap tanpitu lungrawk in a tuah hna.

Be the first to comment

Leave a Reply

Your email address will not be published.


*