Yagoon-Naypyidaw Highway, mengtung 146, furlong 7, Taungngu lei luhnak check-gate ah Sept 21, zan suimilam 10 hrawngah gate hngaktu ralhrang pakhat le a cung bawi cu bia an i el i gate hngaktu ralhrang nih a cung ralbawi pa cu meithal in a kah i a zam tiah theih a si. Cuka i a um vemi khuami pakhat nih “An chimning ahcun ralbawi pa kha fak ngai in hliam a si ko nain a thi lo.
A fiang tukmi cu ralhrangbu chungah buainak a um cang ti hi a si” tiah a chim. Ralbawipa a kap i meithal he a zaammi ralhrang cu ralhrangbu nih biatak tein an kawl cuahmah. A kiangkap khua vialte cu minung an i then i an kawl viar nain an hmu lo tiah theih a si. A dang: Hriamnam Tha Bik CDM (Capar)! Tutan i mipi nih Civil Disobedience Movement (CDM) an tuahmi hi hramhrma in nawlngeihnak a lami ralkap cozah thlak khawhnak dingah hriamnam tha bik a si.
Salai Lai Ram Thang nih cun “CDM cu cozah a thahripi chah bantuk khi a si ko” tiah a chim. CDM hi ramdang zongah an hman lengmangmi a si. Tahchunnak ah Tunisia (2011) le Sudan (2018)! 88 lio CDM: Kum 1988 i ralkap nih nawlngeihnak an lak lioah cozah riantuan hna nih CDM hi an rak tuah.
Hmual a rak ngei taktak. Asinain thongtla tampi an rak chuah i hna i cu hna nih cun CDM pelzulh kho lo dingin an rak tuaitam hna. Cucaah 88 lio CDM a hlawhtling lo. Lungsau a hau: CDM hi a tha tuk nain lungsau lo ahcun theipar chuah hlanah ngol than a fawite! CDM ruangah rian in chuah le harnak dangdang tampi ton khawh a si, a tongmi cu an um len cang.
Harnak ton pah cuahmah bu zongin lungsau tein CDM hi pehzulh khawh i zuam a hau. I bawmh cio a biapi: CDM ruangah harnak a tongmi, rian in chuahmi hna kha ramchung ramleng in bawmh le dirkamh a hau. Nan thachia hlah u, tiin a langhlat in forh le thazaang pek lawng a za lo. Harnak an ton taktak tikah i zuanhnawh le i bawmh cio a biapi tuk. Kachin ramkulh,
Phakanh khuapi i peng uknak zung (Myone GAD) riantuantu minung 10 hna zong an rian in an chuah cang hna. Laimi nih rian in chuah hi kan ton te lai, a tong cangmi zong an um kho! Hi bantuk a tongmi an um ahcun i zuanhnawh cio a herh. Cun minung pakhat maw, pahnih maw an chuah hna ahcun tuanti hawi dang le zung dang i a tuanmi hna zong nih nan chuah hna ahcun kannih zong kan chuak ve i ngam usihlaw
CDM hi hmual a ngei chinchin hnga! A thahripi chah cangmi Pawpi cu duhsah in a thi ko lai, a suttung khiah cangmi innpi cu a rauh hlanah a pur/tlu ko lai. A riantuan piak ti lomi cozah cu a duh lo bu tein a rawk/thi ko lai. Ralkap cozah an tlak i a dikmi Democracy kan hmunh hlan tiang
Chin ralkap nih ahmasa bikah Thantlang peng kan lak le control hmasa aherh,mah ticun Thantlang le apeng kha, Chin ralkap sakhan hmunkhuar ah kan hman lai i cu kan hmunkhuar cun Chinram pengkip laknak dingah sakhan nganpi ah ser le hman ding a si. Thantlang peng kan lak dih hnuah Falam peng kan lak lai,cun Matupi peng kan hei lak rih lai.
Thantlang,Falam le Matupi peng,pengthum kan lak dih cun,a dang pengruk laknak ah a fawite ding si cang. Falam peng sakhan kan chiahmi phu nih Tedim le Tongzaang kha a tuk lai. Matupi peng sakhan kan chiahmi nih Paletwah a tuk lai,Paletwah alak dih khan Mindat CDF he ifonh in Mindat le Kanpalet an hei lak ve lai.
Mahti pengriat kan lak dih khan,Chin state khualipi Halkha kha lak dingin an rak kulh cio lai. Halkha cu khualipi si caah ahnubik ah lak le tukdoh hau,ralhrang zong nih fektuk in an congh le venmi a si. Raltuk tikah khualipi lak kha biapi cem le teinak afehter tu si caah ralhrang nih Halkha cu chahtuk in an thuamh le kilvennak a ruang pakhat sive.
A cunglei ka langhter bang,pengriat kha hmasa bikah lak timh in doh a si lai caah innlo arawk lai,mipi nih harnak an ton lai caah an tlizaam lai,hmundang ah va tlikzaam hau tilo in Halkha khua kha Chin ralzaam hna dornak hmunpi ah tuah le ser ahau. Mah ticun a donghnak bikah Halkha kan lak cang lai kan ti tikah, kan lakcia mi peng pariat ah khan chikhat te chung, Halkha ummi mipi zaamnak le va dornak ah kan hman ve lai.
Mah tite khan pengkhat le khat thlennawn le hmanthiam kan hau. Tio varal, ramlak le hmun hla pi va zaam lengmang hau ti lo khan kanmah peng le khua cia lila kha himnak hmunah ser thiam le hmanthiam kan herh. Raltuk tikah mipi himnak kha biapi cemah chiah a si caah Chin ralkap le mipi nih strategic ser le hmanthiam biapit tuk bang,thazaang nganpi pakhat le teinak lamhruai tu pakhat zongah aa tel ve. crd: William HC
Leave a Reply