Rallokap mithar khawmhsuat khawh an si lo caah, rallokap riantuan hlun simi hna cu rian luh than ding in an khawmhsuat Nawlngeihnak la tu ralhrang phu hna nih rallokap mithar khawmhsuat dingah harnak a um caah, rallokap rian a tuan bal mi, mihlun chungin riantuan kho than tu ding hna cu checkhlat in ramkulh le ramthen cio in rianlut than kho tu ding hna cu a thli in sawm an si than tiah, rallokap hlun chungtel hna sin in theih a si.
A hlei in kutkiak, kee kiah ruang ah a din mi hna tel lo in le mithah lainawn ruangah rianchuah a tongmi hna telh lo in, zeidang ruangah rian a din mi le a ngol mi, riantuan tu hlun hna cu hmunkip cio ah checkhlat ding in ramkulh ralhrang bawi nih nawl pek a si tiah Mon ramkulh rallokap riantuan hlun pakhat nih a chim.
” Kanmah sinah rallokap riantuan hlun phu hna chung in riantlai than kho ding cazin an lak, a hlei in ralhrang phu nih a herh tiah a auh tik caan poah ah riantuan kho tu ding 13(d) in a chuak mi hna, kum zeizah an si le tlamtling in checknak an tuah, cun a dang zong in kum upa zongah ngandam mi a si ahcun khuachung security tibantuk ah hngahter ding in ” tiah Ayarwady times ah a chim.
Atu lio ah ralhrang phu hna nih ramkulh le ramthen hmunkip ah rallokap riantuan hlun simi hna sinah biaruahnak le bawmhchanhnak pehtlai in an tuah. Cun pyusawthi phu chungin ralhrang riantuan hlun zong an um, hmunkip cio in pyusawthi phu chungtel in ralhrang rianngol cang mi,
Mihlun minung 20 cu hriam pek an si cang tiah pyusawthi phu in minung pakhat nih a luancia ah thawngthanhnak an tuah. Asinain nawlngeihnak la tu ralhrang phu hna nih pyusawthi phu dirhnak a um lo, cun hriam pek zong an si lo tiah a chim than.
Mipi Sin In Meiman Hramhram In An Khawlh Caah Kyout See Peng Um Electric Zung Cu KPDF Nih Bomb In An Puah Mandalay Ramthen,Kyauk See, Soe Kone veng Zone Kyi lam um EPC zung cu September 20 zaan suimilam 10 hrawng ah bomb in an puah nak kong cu Kyauk See mipi veng tu KPDF nih thawng a thanh.
Bomb puah ruang ah a rawk mi le mi a hliam mi an um le um lo kan thei rih lo. Mah EPC zung le riantuan tu hna cu Kyauk See pengkomh chung ah mei man cu hramhram in an hal i an tlerhkhonh hna caah kan puah mi hna a si tiah KPDF nih an langhter.Enter
Farkawn ah a zaam mi Chin Ralzaam 30 zawtnak an ngei, Total Lockdown an thanh Myanmar ram tualchung buainak ruang ah Mizoram Farkawn lei a zaam mi Chinmi hna chung in 2021 September 20 ahkhan minung 30 COVID-19 zawtnak hmuh a si i, Farkawn khuachung Total Lockdown an thanh than tiah thawng kan theih.
Hi kong he pehtlai in khuami pakhat nih, “Kahdohnak ruang ah a thar in a rak zaam mi an um pah ngai. An rak luh chom tete in COVID-19 zawtnak chek an si. Kan chek mi hna chung ah minung 30 sin in zawtnak hmuh an si,” tiah a chim. Zawtnak hmuh mi a tam deuh hi cu Thantlang Peng chung in a rak zaam mi deuh an si.
Cun, “Zawtnak hmuh mi a hun karh ngai ca ah kan i ralrin khawh nakhnga le kan him dih khawh nakhnga tiin 2021 September 20 zaan suimilaam 7:00 in Farkawn khuachung total lockdown kan thanh than,” tiah a cunglei khuami pakhat nih a chimchap.
Leave a Reply