Ralkap 500 Deng Bak An Thah Hna Hliam Tuar 147 Hliam An Tuar Rih

Myanmar ram chungah September ni 1 in 20 tiang chungah a cang mi kahdohnak ruang le buaibainak ruangah ralhrang phu chung in minung 445 hrawng an thi tiah NUG runvennak vuanci nih cathanh a chuah tiah theih a si. September thla zarhthum chungah a cangmi kahdohnak ruang le buaibainak ruangah ralhrang phu chungin minung 445 an thi i,

Minung 147 nih hliam an tuar tiah cu cathanh chung ah cun an langhter. Cu cathanh ning in cun Sagaing ramthen, Yangon ramthen le Mandalay ramthen hna ah kahdohnak le buaibainak a tam bik a chuak, Yakhine ramkulh chung ah kahdohnak hi tlawmbik a cang . Zarhthum chungah kahdohnak le buaibainak ruang ah sualnak ngei lo mipi hna minung 93 an nunnak a liam i, minung 69 nih hliamhma an tuar tiah theih a si.

Kayah ramkulh, Demohso peng Sanpiah 6 mile khua ah September 21 ni ah ralhrang le Karenni phufonh mipi ralkap hna kar ah kahdohnak voihnih a chuak i ralhrang lei in minung 4 an thi, Karenni phufonh ralkap lei in a hliam mi an um lo tiah theih a si. “Kahdohnak cu tuzing suimilam 2:00 tiang a um i, tlawmpal an i din i suimilam 3:00 ah an i kap than. Ralhrang hna cu Sanpiah 6 mile ah hmunhma an khuar,khuami hna i an inn ah an um,

Karenni KA, KNDF hruainak in kanmah Karenni G.Z ( Volunteer Fighters)  phu nih thazaang kan chap i kan kah hna. Ralhrang cu 4 an thi i kanmah lei a hliam mi kan um lo tiah Karenni G.Z ( Volunteer Fighters)  phu in Ralbawi Saw Ray nih a chim.Mah kan kah lio ahcun fiang tein le kaphnih a hliam mi cu Karenni ralkap KNDF nih ca  fiang a thanh mi a um rih lo.Khit Thit Media