Ralkap 200 Thangzang Le Hriam Ngan In An Kah Hna Caah Kahdohnak Fak Pi a Chuak Than

Dimawso ah rammi rungvengtu ralkap le Council ralhraang pawl fakpi in an i kap September 25 Karenni ramkulh, Dimawso peng ah zinglei sml. 9:00 thawk in Ralkap Council kuttang ralhraang hna le Dimawso PDF, KNDF, K. A tangti phu hna karlak ah kahdohnak fakpi in a chuak tiah PDF-Dimawso nih an thanh.

Council Ralkap thazaang 200 hrawng nih Dimawso peng, DawNganKha khuate ah an rak luh ca ah Kungtha khuate le ThaeSulay khuate ah kahdohnak fakpi in a chuak tiah an langhter. Ralhraang lei nih lamhla a kap kho mi hriamnam ngan an hman pin ah inn cheukhat an hrawh i umhmun an khuar, ti zong an telh. – TheHakhaPost

Phakhanh peng ah Kachin ralkap KIA nih nawlngeihnak la tu ralhrang phu hna cu nihin September 25 zinglei ah an doh hna caah kaphnih kar fakngai in kahdohnak a chuak tiah theih a si. Nihin zinglei suimilam 6:00 luan ah Myitgyina-Tanaing, Myitgyina-Phakanh lampi lamkam Phakanh peng ramri khua si mi Lawa khua lei ah minung thazaang tampi he Tanaing le Phakanh lei ral lam an sial lio ah KIA nih an kah hna hi a si.

“Khua luhnak ah an i kap, ralhrang phu hna nih raldoh lam an sial lio hngak in KIA nih an doh hna hi a si, tlai tiang ah kahdohnak thawng theih peng a si rih, khuami hna zong a hohmanh lo an kal ngam ti lo” tiah khuami pakhat nih a chim. Kahdohnak a chuahnak hmun hi KIA brigade 2 kuttang, battalion 11 hmunhma Duambuam khua lonh ah a si. A luancia September 23 ni zong ah Duambuam thlanglei tower pawngah kahhnih kar kahdohnak a chuak. Mizzima

Mandalay , No(7) Palek riahbuk ah tlaih mi Ko Ye cu an thlah hnu ah Pengkomh Palek zung nih an in auh tiin an i chim ter i riahbuk ah an auh than,riahbuk pawng ah Palek pawl nih an kahthah tiah Ko Ye i a chungkhar he naihniam mi pakhat nih a chim. Nizaan September 24 zaanlei ah a cang mi thil a si i Ko Ye cu riahbuk ah rak ra than tiah Palek riahbuk bawi nih thawng a rak thanh.

” Ko Ye tu cu Pengkomh Palek zung nih an ni auh tiin a auh i riakbuk a kal i tlawmpal ah meithal thawng kan theih. A tlik caah tiin Palek hna nih meithal in an rak kah.A nupi nih cun kan pa thonginn in a chuak cang tiah a tin lai a ngeih tuk nain atu cu an pa ruak lawng a hmuh kho ” tiah chungkhar pakhat sinin theih a si.

Ko Ye tel in minung 5 hi an tlaih hna i tangka sing 2 cio in an tlanh hna hnu ah chuah mi an si hnu ah amah Ko Ye hi riahbuk ah an auh than hi a si. A thi mi hi Ma Har Aung May peng, Sing Pan veng a si i September 22 ni ah Sing Pan veng chungah a cang mi mi harsa bawmchantu phu le veng chung mino lung i hmuh lo nak ah tlaih mi hna an si. “Chun suimilam 3:00 fai hrawng ah No (7) Palek riahbuk in meithal thawng kan theih.

Tlawmpal ah kan zoh i sizung mawtaw cung ah an chuan cang. Siizung a phak hnu in a thi” tiah khua mi pakhat nih a chim. Mandalay ,Ma Har Aung May peng Sing Pan veng ah September 22 zaan miharsa bawmtu phu le veng chung mino i rem lo nak a chuah hnu in miharsa bawmtu phu zung bomb in cheh an tong. MizzimaEnter

Be the first to comment

Leave a Reply

Your email address will not be published.


*