Sagaing ramthen,Pinlaybu peng,Inka khua le Satawngpon khua kar hmun pakhat ah Kawlin Laka khua lei in a ra mi ralhrang thazaang 100 hrawng cu KIA ralkap thithruainak in Kawlin,Vuantoh,Pinlaybu PDF fonh in nihin September 24 zinglei suimilam 11:50 ah i kahnak a chuak ralhrang lei in 25 an thi,hliamtuar mi an tam,PDF lei in 5 hliamhma fak lo in an tuar tiah NUG runvennak vuanci zung nih thawng an thanh tiah KTM nih a tial.
September 22 ah Pinlaybu peng Mumit hlri cungah ralhrang lei in Kawlin,Vuantoh,Pinlaybu PDF kar ah i kahnak a chuak ralhrang lei in 15 an thi Bokyi an tlaih a hriamnam he. “22 Mumit hlei cungah a cangmi kahdohnak ah hriamnam tampi lak a si i,meithal tu cu pahnih lawng a si,ralhrang lei an zaam hriamnam cu mumit hlei ah an hlonh i an tli tiah”Kawlin PDF nih KTM ah an chim
AAPP nih September 23 ni tiang cathanh a chuah ning ah Myanmar ram chung dihlak ralhrang phu hna nih hramhram nawlngeihnak an lak ni 235 chungah sualnak ngeilo mipi minung 1121 cu ralhrang phu hna kut in an nunnak a liam tiah theih a si. Tlaihkhih a tong mi dihlak hi minung 8371 tiang an phan,
Tu ah thlah lo in hren a tong rih mi minung hi 6718 an si.Tlaih ding in nawlchuah mi hna hi minung 1984 an si. Nawlngeihnak la tu ralhrang phu hna nih hramhram in mi nunnak an lak mi hna chungin Yangon khuachung in nunnak tambik a liam, Mon ramkulh in ram le miphun caah nunnak liam mi dihlak hi minung 12 an si, tlaihkhih a tong mi hi 4000 Leng an si tiah theih a si. Tan Lwin TimeEnter
Leave a Reply