Ralhrangbu nih Shwebo market ah dawr thilri an fir hnu ah mei in an khangh, Mei hmih an sianh hna lo caah Market cu…….

Ralhrangbu nih Shwebo market ah dawr thilri an fir hnu ah mei in an khangh, Mei hmih an sianh hna lo caah Market cu a ciam dih tiah theih a si.

“Zantim ah ralhrangbu Mawtaw pahnih he Sinpi Market pawng an rak phan, kan duh mi Minung market chungah aa thup an ti Innka cu meithal he an kah i an luh hnawh. Biatak tein chim ahcun a ho hmanh a thup mi an um lo, an fir mi a si. Chiti, Cite, Piat, Hruk-eih, Tuahtaiksei tbk.. pawl an fir. Pawngkam ummi nih an hmuh i video lak an timh lio ah Mei an duah mi a si” tiah an chim.

Thil dang hna zong Mawtaw cungah ceilak an tin. Tu zing suimilam 2 hrawngah an khangh mi a si. A tu suimilam 5 a si cang Mei a mit rih lo.
A hmuh mi pakhat nih “Zinglei pa 2 hrawngah a kang mi a si. Meithat Mawtaw a rak phan, Mipi cu rak naih hlah u, nan rak naih cun kan in kah hna lai tiah an ti caah an naih ngam lo, Ar zong tampi an thi” tiah a chim.

Mah Market nih Ralhrangbu pawl sinah thil an zuar duh hna lo pinah CDM pawl cu man tlawm in an zuar hna tikah ralhrangbu mit an kemnak a sau cang. Tagyan hlah ralhrangbu pawl nih an sakhan chung ei din an rak cawk lio ah dawr ngeitu pawl nih thathi in an zuarh duh lo thawkin an rem ti lo tiah theih a si.

Ralhrangbu hna nih Market an khangh hnuah “ငါးမည္ရျပည္ေရႊဘို၊ မီးေလာင္လို့ငို အိုအို့အို” tiah hla an sak hnawh rih tiah FNG nih a ti.

Cheukhat an dawr thilri lak an timh mi hna zong an lak ter duh hna lo. Zing khuadei hnu lawngah Meithat Mawtaw cu mei an hmit ter tiah theih a si.

Shwebo Market hi Parliament Democracy chan 1958 thawkin a rak um cang mi, Dawrkhan 240 leng a um mi market ngan pakhat a si.

Sakaing ramthen Shwebo hi ralhrangbu nih nawlngeihnak an lak hnuah Nifatin te cawlcanghnak a ngei peng mi an si.

The Chin Post

Be the first to comment

Leave a Reply

Your email address will not be published.


*