Ralhrangbu Nih Kawlram Chung Ah Hmankhawh Mi Online Services Le Domain Whitelist A Thanh

Ralhrangbu Nih Kawlram Chung Ah Hmankhawh Mi Online Services Le Domain Whitelist A Thanh

Ralhrangbu nih nawlngeihnak anlak hnuah Kawlram cu ah Mobile data le Internet Wifi, Website le Social Media Site tampi cu kharphih nak a tuah hnuah May 25 ah khan Website le IP Address hman khawh mi (Whitelist) cazin a thanh.

Ralhrangbu nih nizaan an thanh mi whitelist ah hin Local ISP le chawnhbiaknak service 750 leng le domain 450 an i tel. Bank le tangka he pehtlaih mi riantuannak 50 deng, Grab le Foodpanda bantuk thil kuatnak 20 leng a tel.

Mi hliphlaunak site 60 leng a tel mi ah Instagram, Youtube, Netflix pinah Dating App Tinder zong telh a si.

Social Media site ah WhatsApp, LinkedIn, Viber, WeChat, Kakao Talk, LINE, VK le Zoom hna cu chawlehnak caah hmanmi Social Media an si tiin whitelist ah telh a si nain Social Media Company ngan Facebook le Twitter belte cu ramchung buainak a tuah mi pawl nih i pehtlaihnak le lemsoinak ah an hman caah tiin telh an si lo.

February ni 1 ralhrangbu nih nawlngeihnak anlak hnuah ralhrang uknak duhlonak a langhter mi hna thidaihnak dingah ramchung Internet line vialte a cha dih. Mah ruangah ramchung, ramleng chawlehnak zong tampi a buai ter.

Naite ah tuahmi ramleng chawlehnak bu 10 zohfelnak ah Company cheuthum ah cheukhat nih an chawlehnak rian 75% leng a tla i, 13% cu an riantuannak a din bak tiah a ti.

The Chin Post

Be the first to comment

Leave a Reply

Your email address will not be published.


*