Ralhrangbu kalnak lam cu a kham in an kham ko cang hna

Magway ramthen, Yaw hmunhma ah Nov 19, 23 le 25, ni 3 chung kahdohnak ah ralhrang 50 hrawng an thi i Saw PDF chungtel pakhat a nunnak a liam ve tiah theih a si. Nov 19 kahdohnak ah ralhrang a thimi 40 hrawng le Nov 23 kahdohnak ah ralhrang a thimi 10 hrawng an si tiah Saw le Kyaukhtu PDF nih an thanh. Nov 19 ah khan YDF (Saw&Kyaukhtu), CDF (Mindat)၊ CDF (Kanpetlet) le PDF (Saw) hna nih Taw-ma le Jinling khua pawngah ralhrang cu an,-

kah hna. Hi ni kahdohnak ah Saw PDF chungtel pakhat a nunnak a liam i pakhat fak ngai in hliam a tuar. Ralhrang lei nih Helicopter pahnih in an kah hna tiah theih a si. Nov 23 ah YDF (Saw&Kyaukhtu) le CDF (Kanpetlet) nih le khua karlak ah ralhrang cu an kah than hna. Suimilam pahnih chung kahdohnak ah ralhrang 10 hrawng an thi i YDF (Saw&Kyaukhtu) chungtel pahnih hliam an tuar.

Cun Nov 25 ah Kanchaung khua pawng i hmunhma a khuarmi ralhrang 59 hna cu vanlawngbual lei i an kal lioah YDF (Saw&Kyaukhtu) an doh hna. Nov 25 ahhin cun ralhrang lei a thimi an um lo tiah YDF nih an thanh. Nov 27, tuni zongah Sagaing ramthen, Shwebo peng, Inginpyin khua ah a ummi ralhrang hna cu mipi ralkap phuhnih Fight for Freedom (F.F.F) le nih bomb in an doh hna i ralhrang 10 hrawng an thi tiah Fight for Freedom (F.F.F) nih an thanh. Ref: KTMEnter

Nizan November 26 zing suimilam 6:30 hrawng ah Matupi -Hakha lam cung Phanan khua le Ngahlan khua kar lak a um mi Penguk office ah um hmun akhuar mi ralhrang cu CDF- Matupi nih kan va khah hna, ralhrang lei in minung 2 a hmun ah an thi colh, 4 nih fak ngai in hliam an tuar tiah kan theih. September thla dih lai hrawng khan ralhrang pawl nih Phalan khua le Ngahlan khua cu hriam ngan in an kah leng mang caah khua chung mi hna cu khua um ngam lo, ahim nak hmun ah an zam dih tiah theih asi.

Ralhrangbu kalnak lam ah bomb hmanh dingin an tuah lioah a puak sual i Dipeyin Galon ralkap 2 an nunnak a liam tiah nizan November 26 ah Galon ralkap nih an ngaihchiatnak an langhter. Nizan November 25 ni(4) ni, zaan sml 12:00 hrawngah motor lampi hmun pakhat ah ralhrang an ra kho tiah an ruahnak lam ah ralkap 2 cu bomb hmanh dingin an i zuam cuahmah lioah a puah sual hna.

Mah bomb puahnak ruangah mipi ralkap 2 nih dothennak ah ram le miphun caah an nunnak a pek tiah Galon ralkap nih an langhter.A Tubantuk thil cangmi hi kannih Galon ralkap nih a hmasabik le a donghnak bik zong a si lai tiah pasaltha 2 cungah upat peknak in biakamnak an tuah.

Kan mah Galon hna zong nih ram le miphun caah nunnak a Pe mi pasaltha le nusaltha hna i thantak mi chungkhar hna cu ngeihchiat nak kan hrawm pi hna tiah an langhter. “Kan mah Galon ralkap nih Ram le miphun caah nunnak a liammi pasaltha le nusaltha cungah upatnak kan pek caan paoh ah nanmah cung zongah upatnak kan in pek zungzal lai” tiah Galon PDF nih an thanh.

Be the first to comment

Leave a Reply

Your email address will not be published.


*