Ralhrangbu he a pehtlai mi minung na cohlan ahcun thong kum 3 in kum 7 tiang thlak khawh a si tiah Ralkap Council nih a thanh

Ralhrangbu he a pehtlaih mi minung na cohlan ahcun thong kum 3 in kum 7 tiang thlak khawh a si tiah Rallokap Council nih a thanh.

Rallokap nih ralhrangbu ah a thanh mi b chungtel pakhatkhat kha tlaih khawh lo dingin, luat nak dingin a si lo ah mah sin um ter/thuh ahcun a tlawm bik thong kum 3 in kum 7 tiang thlak khawh a si tiah an thanh.

Mahcu ralhrang doh nak upadi pohmah 52A he a buar caah a si tiah ralhrangbu chimhnak nawl ngei Brig. Zaw Min Tun nih nihin May 15 Naypyitaw Press Conference ah a chim.

Cu pinah Bu pakhat khat hman dingah phaisa khon, phaisa kuat, bawmh zong ralhrangbu dohnak upadi a buar mi a si caah Kum 10 in nunchung thong thlak khawh a si tiah a ti.

Ralhrangbu nih rampi nawlngeihnak a lak February 1 thawkin 2020 thimnak teitu MP hna nih CRPH an dirh. CRPH in NUG cu dirh than a si. NUG nih Mipi Vengtu Ralkap PDF a dirh.

Khatalei ah Rallokap Council nih CRPH cu phungninglo bu ah a thanh i, CRPH tel in NUG, PDF le a tanglei bu vialte cu ralhrangbu ah May 8 ah khan a thanh.

The Chin Post