American, UK, Canada ram hna bantukin ramdang hna zong nih ralhrangbu cung kharphihnak chap ve dingin UN Human Rights Council in Kawlram Minung Covo kong theihthernak a tuah tu Tom Andrew nih a chimh.
“US nih ralhrang council le minung 16 cungah kharphihnak, ralhrangbu nih thing le lungrang chawhlehnak in hlawknak an hmuh khawh lo nak dingah UK le Canada ram nih kharphihnak thar an tuah mi cungah kan in lawm. Ramdang hna zong an rak tel ve i Mipi fahnak a pe tu ralhrangbu caah a fak bik mi thazaang pakhat a si khawh nak dingah ruahchannak ka ngei” tiah a ti.
Cu lawng si loin Ralhrangbu hi Zanan le Gas an zuar khawh mi nih an thaw a chuah ter rih. A hlan ralkap cozah zong mah thawngin ramdang kharphihnak an rak tuar khawh mi a si.
Mah caah phungninglo in uk nak an lak i Minung Covo a buar cuahmah mi ralhrangbu hruaitu hna cungah kharphihnak tuah a duh mi ram poh nih a tu in hram thawk a hau cang tiin a forh.
The Chin Post
Leave a Reply