Ralhrang Uico Phu Hna Nih Kan Sui Thantlang An Kan Khangh Piak MI Inn Cazin A Chuak

Ralhrang nih Thantlang khua inn 800 an khangh cang
==============================

2022 January 3, 4 le 5 ah Ralhrang nih Thantlang khua inn 123 an khangh than i 2021 September 9 in 2022 January 5 tiang ah inn 800 an khangh cang.

Tutan an khangh mi ah Gospel Biakinn le Quarter, Methodist Biakinn le Quarter le Johnson Memorial Church Quarter zong an i telchih.

Avoi 1 nak September ni 9 ah inn khah akang
Avoi 2 nak September 18 ah inn 19 akang

Avoi 3 nak October 29 ah inn 164 akang
Avoi 4 nak November 6 ah inn 8 akang

Avoi 5 nak November 9 ah inn 2 akang
Avoi 6 nak November 10 ah inn 7 akang

Avoi 7 nak November 11 ah inn 3 akang
Avoi 8 nak November 24 ah inn 49 akang

Avoi 9 nak November 27 ah inn 96 akang
Avoi 10 nak December 4 ah inn 20 akang

Avoi 11 nak December 5 ah inn 38 akang
Avoi 12 nak December 8 ah inn 23 akang

Avoi 13 nak December 18 in 20 tiang ah 65 akang
Avoi 14 nak December 30 ah inn 55 akang

Avoi 15 nak December 31 ah inn 4 kang
Avoi 16, 17, 18 nak 2022 January 3, 4, 5 ah inn 123 tiin adihlak inn 800 leng an khangh cang, tiah The Hakha Times nih cazin tuah.

Laknak The Hakha Times
Biakilh; Cazin kan palhsual ahcun comment ah vun kan chim ve law.

News Dang Rev, Doctor Chan Thawng Lian Vawlei minung billion 7 leng a ummi ah nangmah lawng na si hrimhrim lo.
==========

Kum cu a thar ko nain kum hlun nun nih hmai kal kho loin tlaihmi nan um maw. Kum cu a thar nain zei tuah awk hlei athei lomi nan um maw. Kum thar ah khuacimui lungrethei in a lutmi teh nan um maw.

Vawlei minung billion 7 leng a ummi ah nangmah lawng na si hrimhrim lo.

Kan dihlak caah Pathian nih khua a deiter ṭhan lai. Nika zong kan dihlak caah a chuahter ṭhan lai. A fel tuk caah fa upa pa kha a pa nih a daw deuh hlei lo.

A sual tuk caah fa hniang pa zong a pa nih a hlaw hlei lo. A fale an si ca tu ah a dawt ciocio ko hna. Mirum zong an tlak caan a um te lai.

Mi thawng zong an der caan a um te lai. Mi fel zong an tlin lo caan a um te lai. Mi dam zong an zawt caan a um te lai. Mifim zong an lung tlau caan um te lai.

Thaizing kong hohmanh nih an thei kho lo. Mifimbik Solomon zong nih a thei lo. Khua fak tuk in ruah le it kho lo in um nih mi a bawm lo.

Midang ṭihnak nih na cabuai ah rawl a chuahpi lai lo. Mi soisel le dohdalnak nih mi di a riamhter fawn lo. Mi hngar le nahchuah nih mah re tu a theihter chap.

Mi tling lo ka si ti i hngal i Pathian i bochannak tu nih lungdeih hnangamnak a pek. Zeicatiah Bawipa nih a dawtmi hna cu an i hngilh kar ah an herhmi a pek ko hna.