Ralhrang Tih In Zarhhnih Leng Hramhlak Ah A Dor Mi Hna An Harsa

Ralhrangbu nih an kawl lengmang hna caah Yimapyin le Kani pengkulh ah a ummi khuami pawl cu zarhhnih leng ram tangah an um cang.

Ralhrial in ram tangah a um lio mi hna a thong leng caah ei le din (azipaw) an herh tuk cang tiah theih a si.

Kan hnu zarhhnih hrawngah Kani le Yinmapyi khua ah ralhrang duhlo langhter mi hna cu ralhrang nih meithal he an kah hna caah khuami hna nih an ngeihmi Lai meithal he an doh hna hnuah ralhrangbu lei nih duhlo nak langhter mi hna cu hriamnam he an luh hnawh hna caah cheukhat khua hna cu an khua ning dengmang in an zam.

An i kah nak hi Yinmapyin pengkulh Kapaing ohsuh Thikone le Thityuapin khua kar ah a si. A tu dirhmun ah kir awk a tha rih lo. Ralhrang pawl nih a bupi in khuachungah inn khat hnu inn khat an chek i thilri hna an lak, an hmuhmi minung hna zong an tuk velh hna caah mipi an him ti lo, a tu zarhhnih a si cang. Nihin zong khua 2-3 ah an lut than. A tu hrawng ruahpi a sur pah caah ramtang ah a zammi hna caah ei din le thil dangdang herh bau mi tampi an ngei.

Mi an tam tikah umhmun pakhat ah ni 5 hrawng lawng ei din kan pek khawh hna. Thingtang mau tangah aa dor mi an si caah a tu bantuk nikhua hna a chiat ahcun ruah awk ngai an si. Ruah lo pi in a zammi an si tikah sii-ai an herh ngai tiah theih a si.

Harsatnak a tong lio mi khua mi hna hi Sagaing ramthen Yinmapin le Kani pawng hrawng um mi khua 12 an si.

The Chin Post

Be the first to comment

Leave a Reply

Your email address will not be published.


*