CDF-Kanpetlet nih Sianginn ah umhmun a khuar mi ralhraang an kah hna; Ralhraang pahnih an thi i pakhat hma faakpi a pu, December 3, 2021 Chin Ramkulh, Kanpetlet khua taang hra sianginn ah umhmun a khuar mi Council ralhraang hna cu CDF-Kanpetlet nih nihin chun hnu suimilaam 1:00 in 2:00 tiang an kah hna. Ralhraang pahnih an thi i pakhat hma faakpi a pu. CDF lei cu hmapu um lo tein an kir kho tiah CDF-Kanpetlet nih an thanh. CDF-Kanpetlet
Magwe ramthen Myine peng chung Bahin khua palik sakhan cu nizaan December 2, zaanlei ah mi zapi vengtu ralkap phu nih luhhnawh in an doh hna caah palik minung 6 nak tlawmlo an thi tiah Myine mi zapi vengtu phu nih cathanh an chuah.” Nizaan ah palik phu hna cu bawlung an chuih lio ah kah an si,
Cu ka hmun ah cun palik minung 50 hrawng an um. Ruahlo pi in a si caah an mahlei in kahnak ding cu thazaang a der. Khuachung mi hna nih an chim ning ah cun minung 6 hrawng an thi, sakhan-hmu cu hliamh a si le si lo theihfian a si lo cun ,kanmah lei cu hliamtuar kan um lo” tiah Myine mi zapi vengtu phu chungin chim phuannak nawlngeitu nih BBC ah a chim.BBC
Magwe ramthen, Pauk peng thlanglei ah December 1 ni ah PGF le ralhrang kar kahdohnak 2 a chuak athi mi le ahliam mi an um tiah Pauk ralkap phu PGF nih an thanh.Pauk peng thlanglei LatPanHla khua le BoMe khua pawng ZawChuang ah nizan chun ah Pade Thar bomb in an kah hna caah ralhrang 8 an thi i ahliam mi an tam tiah achim. Mahpinah EihCe khua zong ah nizan zinglei ah,.
Bomb voi 1 in an kah i ralhrang athi mi an um kho i fiang tein fehter nak kan tuah kho fih lo i ahliam mi an tam tiah a langhter.ThetKeGin khua le KyaukOo khua pawng zong ah November 29 ni ah ralhrang bu hna cu PGF nih bomb in an kah hna caah ralhrang 18 an thi tiah theih a si.Mah i a hliam i a thi mi hna he pehtlai in ralhrang lei in thawngthanh nak an tuah mi a um rih lo. DVB
Yangon-Mandalay lampi mengtung 343, falawng 5 ah ralhrang minung 30 leng cittmi motor cu Kyautsae-PDF phu nih December 2, chunhnu suimilam 1:40 ah bomb 6 puahhnawh in doh an si tiah Kyautsae -PDF nih cathanh an chuah.” Nizaan ah kanmah Yangon-Mandalay lampi mengtung 343 kan phak hlan ah ralhrang le palik nih suimilam 2 lengtiang lam an kham bomb puahhnawh an ton caah,
A thimi le hliamtuar um dawh an si mizaw phawr motor zong kan hmuh” tiah cu ka lam ah khualtlawng pakhat nih a chim. Cun Sagaing ramthen Kalaymyo peng Laychia, Shataw khua cu ralhrang phu nih mei an khangh, PDF sakhan lakding ah a kalmi ralhrang phu hna cu Ranger Kalay phu nih nihin December 3, zinglei suimilam 8:30 hrawngah bomb hmanh hnawh in an doh hna caah ralhrang lei in minung 3 an thi,
Hliamhma tuarzong an tam tiah Ranger Kalay phu nih cathanh an chuah. Ralhrang phu hna cu dalan hna lamhruainak thawng in rallam hmunthum ah minung thazaang 120 leng he Ranger Kalay Defend Force sin ah sakhan lak dingin an kal lio ah, Ranger Kalay phu nih a hlankan in thawngtheih nak a um caah bomb hmanh hnawh in an doh hna hi a si.Ranger Kalay phu lei a thimi le hliamtuar um lo in a himnak hmun ah hnu an tolh kho tiah cathanh chungah an langhter chih. ref.Khit Thit Media, The Chin Post
Leave a Reply