Myanmar SAC Ralhrang Vuanci U Wunna Maung Lwin China A Tlawng
Myanmar SAC ralhrang nih rian khinh mi SAC ralhrang Vuanci Wunna Maung Lwin cu China a tlawng tiah theih a si. Mah a khual tlawn nak a kong lam hi rian kong he aa peh tlaih mi a asi tiah theih a si.
China Cozah chungtel vuanci Mr. Wang Yi nih sawmnak in a tlawn mi a si tiah theih a si. SAC sralhrang rian khan Vuanci Wunna Maung Lwin cu March thla ni 31, Suimilam 7:00 hrawngin Nay Pyi Daw Airport in aa thawh tiah theih a si. Wunna Maung Lwin cu Mr Mang Yi nih a sawmnak a ruang cu riantuan nak kong he aa pehjtlai mi a si tiah theih a si.
Mi Pakhat nih Zuunkhat Cio Cawk Khawh Asi Cang, Cu hlan ah meithal zuun khat $ 10,000 dengmang in cawk a si. Kan rak ti kho lo. Atu ah Bawipa nih lam a onh i zuun khat ah $ 2,000.00 in cawk ding a si. Zuun khat hnih cio tal thazaang kan chuah lai lo maw? Tha dam tuk cun ral kan tei lai lo.
Hakha in Zokhua Peng lei Akalmi CNA,CDF kutin Athimi Ralhrang An Ikhanghnak, Nai Halkha in Zokhua peng lei kalmi hna ralhrang an thahmi hna ruak an i khanghnak a si. CNA le CDF Halkha nih uico tam lakte an rak phil ko hna hih. Uico an thih ah hin vawlei ah an i phom duh tilo,a khangh in an i khaang peng.salaiwilliamhc
Thawngpang Dang – March 30 ah Mandalay ramthen Myitnge PDF camp cu ralhrang nih an luhhnawh hna I, PDF pasaltha minung 2 an thi, a nung in 29 an tlaih hna tiah HFW nih a tialmi cu Myanmar Celebrrity Tv Club nih alanghter chin.
TU ZING CDF – MATUPI MIPI HUMHIM TU IN UICO 14 KAP THAT….UPDATE NEWS 31.3.2022 Chinram thlanglam Tuzing Mindat myo in Matupi myo lam pan uico rual 150 hrawng cu tuzing nazi 7:00am hrawng ah CDF – Matupi mipi humhim tu in an bawh an do an kap ih uico 14 an thi ih hliam tuar tla an tampi asi tin CDF -Matupi mipi humhim tu hnen in thu thei asi. Credit. CDF – Matupi, Kalay mino
Russia Nih Ukraine Atei Khawi Ti lo Hnu Cun Atuk Ning Tactics Athlen: Ukraine lei nih hehchet tiah an rak dironh khawhmi ral cu Russia nih hin dih zokzok cang seh, ti lawng a duh cang. Cu ti i a si khawhnak dingah cun Kyiv khualipi hi a lak khawh a hau ding asi. Cucaah a tu hi Ukraine nichuah lei ah a ummi Ukraine ralkap pawl cu heh tiah a phomh hna. Ukraine ralkap a tambik hna cu nichuahlei ah hmunhma an khuar deuh. Cuka hmunhma cu Russia lei tang Separatists pawl he kum 8 chung ral an i tuknak hmun a si. Ukraine ram ah a laihlumbik nak bak, tiah an ruah i Donbas hi Russia nih a kulh dih i Ukraine ralkap pawl a hrawh khawh dih hna ahcun, Kyiv tiangin khin a vun tei khawhnak dingah abiapi tukmi asi i, thil a um kho mi cu, cu bantuk in Russia nih a tuah khawh ahcun Ukraine hi hmunhnih ah a cheu lawlaw te khawh mi a si.
“Tutan ral kan tukmi a dotkhatnak (first stage) cu tlamtling ngaiin kan lim cang. Cucaah, Russia nih a biapibik in an i hmaithlakmi Donbas lak vial lawng kan i hmaithlak ko cang,” tiah Friday ah khan Russia ralkap nih thawngthanhnak a tuah. Putin nih a Strategy a thlenmi zoh tikah, Ukraine ah ai ruah ningin thil a tuah kho ti lo, ti a lang. Cu tikah, ai tinhmi goal tung a vun bitter than cang i, Russia economy le vawlpi nih remlomi ram ah a cantertu thatlonak in khua a khanmi zong cu phundang deuhsep in a vun thlen than.
“Russia nih Kyiv ah hmunhma khuar ai zalh rualrual in nichuah lei ah hehchet tiah Ukraine ralkap pawl a kah hna, cun a dang khuapi ngangan pawl zong rockes le miakpi in heh tiah a kah hna,” tiah US le British officials nih an chim. “Putin nih ai tinhmi a thlen thanmi zoh tikah North Korea le South Korea bantukin khin kan ram hi hmunhnih ah then duh sehlaw a dawh. Cun i halhmi hmun le halh khawhlo mi hmun, ti bantukin then duh sehlaw a dawh,” tiah Sunday ah khan Ukriane ralkap intelligence lubik Kyrylo Dudanov nih a chim.
“Ukraine ram ningpi taitai in cun a la kho lai lo. Ukraine hi cheu i, cu a cheumi hmunhma cu a tangmi le a luatmi Ukraine ramcheu dohtu/ralchanhtu ah vun ser i tim sehlaw a dawh bik ko,” tiah Budanov nih a chim. Tutiang ko rih ahcun, Putin le a ralbawi pawl nih hin an i tinhmi kong fiangtein an langhter rih lo. Asinain, Feb. 24 lio i chak, thlang le nichuahlei in an ralkap pawl Ukriane lei kuat hna lio ah khan cun khulrangtein teinak a hmu colh dingin an i ruat ngaingai.
Ukraine khualipi Kyiv, a pahnihnak khualipi Kharkiv le northeast ah a ummi a dang khuapi nganngan pawl cu Russia nih khualrangtein lak ai tim. Asinain, thatein a rak i timlam ve mi Ukraine ralkap nih cun an rak dironh hna i, lungthin thawnnak le thap hi chuahnak he Russia thazaang cu an rak doh ve khawh hna. A lang le tlang in hehchat tiah Kyiv kihriang hrawng cu miakpi in an vun den. Tanglei zong in hehchet tiah hmunhma an khuar. Kharkiv, Chernihiv le Sumy an doh lio i Tactics zong an vun i hman than hna.
Kyiv nitlak lei highway a ormi Makariv khuapi, hei ti bantuk ah cun Ukraine ralkap nih Russia ralkap pawl an nawr len lehlam hna. Cu ka i an i kah hnu ni tlawmpal lawng a rauh ah khin, AP thawnglatu pawl an va kal i, Russia rocket launcher pakhat, Russia truck pakhat, Russia ralkap ruak pakhat, cun Ukraine tank pakhat, tiin rawk nelnual in an um kha an va hmuh. Yasnohorodka belte ah cun Ukraine pawl nih an hmunhma an chuahtak mi an va hmuh. Russia muisam bel a leng lo.
A tu ko rih ah cun, Kyiv le a dang Ukraine khuapi nganngan pawl luhhnawh cutmat colh cu Russia nih a mak chung rih, tiah Kyiv ah hmunhma a khuarmi Razumkov Center think tank nih an chim. Ukraine an thazaang der hngak in caan an lak, ti a si. “Russia nih a Tactics a thlen hna …a ralkap thazaang thawnter than i, nawlnolh in ral vun tuk than a duh caah a si,” tiah think tank nih an chim. Mariupol i rilikap khua cu Russia nih a kulh i, zarh tamlak chung rockest le miakpi in heh tiah a kah i mipi a thong in a thah hna. Mariupol hi Russia kut a phak a si ah cun, Russia hi zalongtein an cawlcang kho deuh lai i, nichuahlei ah hmunhma a khuarmi Ukraine ralkap pawl kulh duh ah Kharkiv ah hmunhma a khuarmi Russia ralkap pawl he fawitein an vun i fon khawh te ding khi a si hnga.
“Nichuahlei i Separatists pawl he direct in ai tongmi Ukraine ralkap pawl vun kulh hi Russia nih ai tinhbik mi a si. Cu in cun, thlanglei kap a ummi Kharkiv siseh, chaklei ah a ummi Maiupol in vun luhhnawh ai tim,” tiah British Ministry of Defense nih Sunday ah khan a chim. “Nai cem i Russia nih an hmaithlakmi cu Donbas hi a si. Ukraine ralkap cheukhat pawl nih Kyiv an runven lio pi ah nichuahlei hmunhma hi za ah za in uk kho ning, ti Putin nih a duh. Cu hnu cun Donbas kongah President Zelensky a sungh vun khan sehlaw, 2014 lio i Russia nih a lakmi Crimea hi Russia ta a si, tiin vun cohlang seh, ti a duh fawn,” tiah US defense senior official nih a chim.
“Cu ti bantuk i Russia nih Donbas a ningpi in a vun lak khawhnak dingah cun Mariupol hi zeitluk tuan ah dah a vun lak khawh lai, timi ah le, cu ti kahdohnak a tuah ruangah zeitluk in dah Ukraine ralkap a hrawh khawh hna, timi ah ai hngat ding a si. Kyiv luhnawh colh lo dignin Russia nih hnung a tolhmi zoh tikah, duhthimnak thadeuh ai ngeih ruangah si lo in, a thazaang nih a tlinh ve hrat lo le a si ko lai,” tiah Washington ah a ummi Institution for Study of War nih Saturday ah khan ca an chuah.
Nichuahlei i a ummi Ukraine ralkap pawl an hrawh khawh hi Russia nih ai hmaithlak rualrual in, Ukraine ralkap zinaan an chiahnak, an miakpi chiahnak le hriamnaam sernak inn le lo pawl cu rili in siseh, van in siseh hehchet tiah hrawh khawh ai zuam i a kah hna. “Saturday i Poland ramri ah a ummi Lviv cruise missile a khahnak a ruang cu nichuahlei ah a ummi Ukraine ralkap pawl sinah hriamnaam, ti le rawl chan kho ti hna hlahseh, ti a duh caah a si. Nitlaklei in nichuahlei i cu bang i ti le rawl, hriamnaam, zinaan kuatnak thazang cu pehzultein hrawh khawh ai tim peng ko lai. Nitlaknak in nichuahlei an i hlathlainak lam a tamdeuh cu Lviv velchum hrawng hi a si,” tiah hilips P. Obrien, a professor of strategic studies at the University of St. Andrews, nih a chim.
Black Sea rilikap hrawngah Kherson khua hi khulrangtein Russia nih a lak colh i, cu in cun an thazaang a hram an thlaknak bik Mykolaiv khua kihriang lei tiang an lak khawh colh fawn. Mykolaiv, Odes le Black Sea tikap khua tampi Russia nih a kulh khawh hna ah cun, rili in Ukraine nih thilri a phurhnak a thazaangpi cu a ningpi in a hrawhpiak khawh cang lai i, cu nih cun an ram economy hi a chiatchuah te ngaingai ding khi a si. Odesa a lak khawh sual ah cun, Russia ralkap pawl tlunin a onhtu Separatists pawl an umnak Moldova peng chung Trans-Dniester tiang khi a vun pehtonh dih te khawh lai.
Ukraine le Western ram pawl nih an phanpi ngaimi a si ko nain, Mykolaiv le Odesa lak hi Russia nih ai tim hrimhrim mi asi ve. A tutiang i Russia nih rilikap khua pawl cu cuti ngaingai i a lak khawh hna lo ning zoh tikah, Mariupol lak dingin a thlahmi a ralkap pawl hi sungh lawng an rian i, cun tartahak in an um caah a si, tiah Ukraine cozah nih an chim. “Ka ralkap 1,351 an thi, 3,825 hma an pu,” tiah Russia lei nih cun Friday ah khan an i chim. Asinain NATO nih (ni 5 luancio lio i) a tuak ve ningah cun a tlawmbik 7,000 in 15,000 cu an thi cang lai. Cucu Afghanistan i kum 10 chung Soviet Union nih ral a tuk lio i a thimi a ralkap a zat hrawng a si diam cang.
Faktuk in Putin a sungh caah le Russia thazaang a khual a nuar caah, a tu bantukin Putin nih a a duhamnak a thumh i, a awm-ang deuh tein karhlannak a tuah hi a si lai, tiah chim cio a si. “Nichuahlei tu ah i thialkam dingin Russia nih thawng a thanhmi zoh tikah thatlo in a sunghmi a hmai vun milhtlorh a duh caah le, a thokmathar in raldohnak vun tuah than duh ah timhlamhnak ngeih a duh caah a si lai,” tiah Kyiv ah a ummi Penta Center lubik Volodymyr Fesenko nih a chim.
“A ruangtampi kongah kaphnih in an vun i dinh/hrim ta a hau ko. Cu ti i hrimnak cu ralkap thazang vun tuahtamhnak caantha ah Russia nih ai hman i, Ukraine lak a duhnak a lungthin tu cu thleng ti lo in, zeitin dah ka lakkhawh ning a si lai, timi Tactices thar tu chuapi khawh ai tim,” tiah AP ah Fesenko nih a chim ve. “Cu a Tactics thar suisammi cu a hunghung in luhhnawh ti lo in, khuapi pawl deuh vun tuk hna, an economy thazaangpi vun hrawhpiak hna, cun an inn le lo, lam le sul pawl le rilikap khua pawl vun hrawhpiak hna, cun a dangdang zong vun zalh i tim hna sehlaw a dawh. Putin nih hin kaupiin raltuk khawhnak thazaang ai ngeih” tiah Fesenko nih a chim.
“Thawngngaiin Ukraine nih Russia a doh khawhmi nih hin tutan kahdohnak hi cansau a rauhter khawh ve mi a si i, cu tikah, Western ram pawl sinah Zelensky nih a halmi raltuknak vanlawng le tanks pawl he tiah bantuk ralhriamnaam siseh, cun phaisa hi biapihla an si te ko lai,” tiah a chim. Zohchihmi: Associated Press (AP News) Ref: Chelsea Bawi
CAṬIALTU HMURKA– Mifim thiam hna pawl i an ruahnak an thinlung an fimthiamnak le an khuatuaktan thiamnak kan i ngeih khawh ve nakhnga zeidah tuah a herh? Anmah bantukin hngalhkauhnak kan ngeih khawh ve nakhnga ca tampi in rel a hau.Mi a cheu khat, careltu khuahngal tete nih an ka hal tawn, “Saya, sianginn na dih cang maw? Zeibantuk major dah na rak lakmi si? Zei rian dah na ṭuan? Na caṭialmi tete hi thazaang a kan petu an si, kan i lawm tuk. Tampi in kan ṭialpiak lengmang ko law,” tiah an ka ti tawn. Ka lehmi hna cu, ” Heee… kaa lawm tuk mu, saya ka si lo e. Kei tham hna cu misawhsawh te khi dakaw ka si ko cu. Sianginn zong ka dih lo e, tanghra ka rak on lio ah cozah nih sianginn an rak khar i ka rak kai kho thai lo. A leng te hmanh in caminpuai, exam ka rak tuah kho lo e. Ka major tu cu hawi nakin a niam bikmi kan ti hnga maw. Eco, History, Geography in “D” pathum te ka rak hmu ve i Eco (Economic) major a si ka ti hna tikah an khuaruah a har ngaingai. Aw a si maw, cubantuk ah kan in ruat lo teh an ti țhan. Ziah maw? ka ti hna tikah sianginn ṭhaṭha i a kaimi le degree a la cangmi ah kan in ruah cu an ti ko.
Aze…! A si maw, zeiruangah? Ka ti hna i na caṭialmi pawl hi an ṭha ngai ve hna i hme teh, thazaang kan la ngai ve i an ti. Cu i ka lung ah a chuakmi cu, ” Oh! Minung ngai hi atu tiangin maw cataang in kan zoh i mi pakhat hi kan tah i cuaithlai kan hmang peng ko rih mu. Sianginn a kai le kai lo, sianginn a dih maw dih lo tiin pei thleidannak kan ngeih peng ko rih hi,” ka ti.
A taktak le a ngaingai tiah cun ca ka ṭial lengmangmi hna hi khoika sianginn hmanh ah ka cawnmi le ka thiammi le ka hmuhmi le ka laakmi an si lo. Ka ṭialmi pawl hi sianginn zongah cawn awk ṭhami zong pakhat hmanh an si fawn lai lo. Hiti ka ti tikah sianginn kai le cataang kha a biapi lo ka ti duhnak a si hrimhrim lo mu. Kei cu ca ka ṭial ah kaa lawm i ca ka rel ah kaa nuam. Ca ka ṭial lo ahcun zeidek a philhmi kai lawhter. Zeibantuk ca a si hmanh ah rel awk a ṭhami ca paoh rel kaa zuam. Cucaah nifatin caan ka ngeih fa te ca ka relnak thawngin ka hmuhmi le ka hngalhmi ṭial dingah ka lung ah a chuakmi pawl kha ka ṭialmi an si. A luancia kum tampi lio i ca ka rak relmi hna kha nihin ni ah cun a ka bawmtu le ṭial khawhnak a ka petu an rak si.
Minung cu ahohmanh hi aa khat lomi lungthin ruahnak le thazaang kan ngei cio hna. Cu kan ngeih ciomi thinlung ruahnak le thazaang kha a hman zia kan thiam cio a herh ngaingai. Minung hi kei cu sianginn ka kai khawh lo le ka cataang a niam tuk ruangah hawi bantukin san ka tlai lo. Sianginn ah degree sangsang ka laak lo ruangah le fiamthiamnak ka ngeih lo ruangah hawi bantukin khuaruah tuaktan khawhnak le biachim holhrel ka thiam lonak a si. Hawi ka tluk khawh lonak a si tiah thachiatnak (Negative) leiin khuaruah kan hmang tawn. Kha bantuk ruahnak kha atu bakin na lungchung in chuah law hlonh colh cang.
Sianginn cataang sangpi kan kai khawh lo le degree kan laak khawh lo hmanh ah ca tampi kan rel ahcun zeipaoh hi a tlamtling kho in a si kho ko. Doctor pa ruahnak bantuk ngeih na duh maw? Doctor te nih an ṭialmi ca tampi in rel hmanh, anmah bantuk ruahnak le hngalhnak na ngei ko lai. Nungak helh thiam na duh maw? Nungak tlangval kong an ṭialmi ca tampi rel law nungak helh na thiam bak ko lai. Cucaah cun caṭial thiammi hna an ruahnak, saya pakhat i a fimthiamnak le a ruahnak le mifimthiammi hna le a ṭhangchomi hna i an khuaruahning le an hngalhnak pawl kan i ngeih khawh ve nakding ahcun lam pakhat lawnglawng a um. Cucu an ṭialmi ca tampi in rel kha a si ko. Kan caah a ṭhami kha i laak i a ṭha lomi kha hlonh ding a si ko.
Kanmah nih kan ngeih lomi midang nih an ngeihmi kha mitthit in hngar len duh hna hlah u sih. An fimthiamnak le tuaktan thiamnak le khuaruah khawhnak hna zong kha hngar len duh hna hlah u sih. Ca tu tampi in rel ve hna u sih law, cu chungin kan hmuhmi fimthiamnak, kan ngeihmi hngalhkauhnak le kan thazaang hna kha hmang ve hna u sih tiin a hrut nih a fim chim tiah forhfial bu he… Dinnak kha a cat lomi tiva bantukin luanter camcin ko u (Amos 5:24).
Salai K. Biak Lian Thawng
Min Aung Hliang , Tatmadaw Zong Nih Mi Lemsawi In Ramkhel Kan Tuah Lo, Myanmar ram cu tuanbia in peh zulhin Tlangcung mi pawl he fonhin a thudir mi Myanmar ” Pyidaungsuu” kong he pehtlai in SAC ralhrang Min Aung Hlaing nih March thla 287, Nay Pyi Daw ah tuah mi a voi 77 nak Tatmadaw ni ah Min Aung Hlaing nih a chim.
Myanmar cu tuan bia ning in cun Siangpahrang hna nih khua, peng le tlang tbt, in siangpahrang nih uknak nawl pek a si i, Siangpahrang hna nih Myanmar ram hi Siangpahrang nih ukin hruai mi a rak si i, Siangpahrang uknak a hmang mi kan si ti zong in SAC ralhrang Min Aung Hlaing nih a chim.
Ko Luu Ni chan lio kuttang ah tlangcung hmunram le kawlrawn ah uknak, hruainak pa 2 then in aa uk mi kan si i luatnak kan hmuh hnu in chan a kal ning in Cozah hna nih Parliamentary democracy system, Socialist democracy system telin uknak, hruainak aphun phun in aa uk mi ram a si nak kong cu Min Aung Hliang nih a chim.
” Myanmar ram cu hmunzaka kip ah Geographical location, tlangcung miphun pawl he tuanbia ning in hmunkhat te ah a um ti, a thudir ti mi kan si i Vawlei uknak, ramri le uknak hruainak cu kan fehter i a fekmi tuanbia ruang ah a um mi Pyidaungsuu ram a si. Cu ruangah mipi nih thim mi Democracy Federal hruainak cu i zohchunh, hrambunh in Pyidaungsuu ram piin fek tein sersiam a herh” tiah SAC ralhrang Min Aung Hlaing nih a chim.
Cu ruangah Democracy le Federal hruainak cu hrambunh in Pyidaungsuu rampi sersiam khawh nak hnga ding caah a biapi tuk mi caan kar chungah langhter mi he aa khat in dikfel tein tuanvo lak in zalonak, mah le tlinco cio hnga ding timi Party kip nih Democracy thimnak cu tlamtling tein tuah khawh nak hnga ding caah le tlangcungmi zapi aiawh tu telhmi thimnak a si khawh nak hnga ding caah fak piin kan i zuam i tuanvo ka lak tiah Min Aung Hlaing nih a chim.
” Mah tiin tuanvo lak nak hi Tatmadaw lei zongin Ramkhel tuah si loin( Tatmadaw lei nih mi lemsawiin ramkhel kan tuah lo) ramkhel a si mi rampi sersiamnak cu langhternak a si caah Tlangcung mipi zapi le Myanmar rampi i miphun thatnak cawhleh caah Miphun ramkhel tuanvo cu titsa ngei tein tuanvo lak a si” tiin SAC ralhrang Min Aung Hlaing nih a chim .
Leave a Reply