Ralhrang ralkap le Mindat mipi hna kar biaruah nak hnawh a si cang…..

Ralhrang rallokap le Mindat mipi hna kar biaruah nak hnawh a si cang…..

Ralhrang rallokap hna nih an tlaih mi hna Mindat minung 5 hna cu thlah lo in , Sami khua in a ra mi rallokap motor 17, le rallokap minung 200 leng Mindat khua in luh ter lawng ah cu tlaih mi hna minung 4 kan in thlah piak hna lai an ti caah Mindat mipi nih an duh lo.

Cu biaruah nak cu nihin May 12, chun suimilam 1:50 ah an tuah.

(MDT) Mindat mipi hna he biaruah mi hna cu…

1) Tlaih khih a tong mi Mindat mipi minung 5 thlah piak ding in a hlan te in nawl an si cang.

2) Kha ruang ah mipi hna nih khua chung hngah nak thawn piak, rallokap hna um kal nak nawl pek an si .

3) A tu bia ruah nak ah rallokap nih Sami in a ra mi rallokap motor 17, le rallokap minung 200 leng cu khuachung in kal nak nawl pek lawng ah tlaihkhih mi hna mipi minung 4 cu thlah piak in le , a tang mi minung pakhat cu kan in thlah piak kho rih hna lai lo tiah an chim.

4) Mipi hna zong nih a dang tlaihkhih a tong mi hna cu rallokap nih thlah piak ding in le cu kong ah zei bantuk i pek nak / i nawl nak hmanh tuah ti lo ding , tlaihkhih a tong mi hna thlah piak zong ah an 5 ning te in thlah piak ding, A tu Sami in ra ding mi rallokap motor hna zong kal nak nawl pek lo leng ah minung thlah le thlah lo kong ah cu rallokap motor hna he pehtlaih nak a um lo .

Ralhrang rallokap hna cu mipi hna luat nak ding ah a caan la in khua caan an sau ter ruang ah a tu ah cun mipi lei zong nih an lung tling ti lo.

The Chin Post