Ralhrang phu nih cathanh an chuahmi a Dik Tak Ko Ahcun A Poi Taktak Khi si

Mandalay khauchung ah MPDF le Mandalay Nawngyu mipi ralkap phu chungtel minung 33 hna cu puahkehnak thilri le hriamthil hna he kan tlaih hna tiah December 1 ah ralhrang phu nih cathanh an chuah.November 3 ah Amarahpoerah peng Kyautsing kawl biaknak hmunpawng ah Tu Rah Awng cu an tlaih hnu ah,.

Chainmyatarsi peng no.49/109 lamkar ah Awng Phyu Tu cu tlaih a si than cun, Pakhat hnu pakhat checkhlat in phuan a si caah MPDF le Mandalay Nawngyu ralkap phu chungtel minung 33 cu tlaih an si tiah ralhrang kuttang um Myawady thawngzamhnak nih a langhter. November 3 in December 1 tiang chungah Mandalay khuachung um MPDF le,.

Mandalay Nawngyu mipi vengtu ralkap phu chung in pa 28 le nu 5 an dihlak ah minung 33 cu hriamtling 22, kutser meithal 1, kuanbawm phuntling 22, kuan phuntling 2026, 40mm bombkuan 15, kutcheh bomb 21, kutser bomb 5 le puahkehnak he a pehtlaimi thilri hna he tlaih an si tiah an cathanh chungah cun an langhter. Than Lwin Khet, The Chin Post

Kaya(Kayinni) ramkulh chungah khauchung mi hna nih vanlawng lei khualtlawn nak tuah lo ding in Kayinni ralkap KNDF nih nihin December 3 ah cathanh an chuah.A tu ah khualtlawng vanlawng cheukhat hna cu ralhrang phu nih bussiness riantuannak an hmanmi a si leng ah, Kayinni ramkulh chungah ralhrang phu nih an hriamthil le riahcaw hna cu khualtlawng vanlawng in an kuat tiah KNDF nih an cathanh chungah cun an langhter.

Raltuknak caah hrangtlai in hmanmi vanlawng hna cu Kaya ramkulh chungah ummi mipi hna nih theihlo in i cit lo ding ah KNDF nih theihternak an tuah hi a si.Cun a tu kahdoh a chuahnak hmun Kaya ramkulh chung Demawhsu, Bawlakhe le Phasawng peng ah ralhrang nih hmanmi Loikaw-Demawsu-Dawtamagyi – Bawlakhe lampi hna cu December ni 3 ni thokin rikhiahnak umlo phih/kham a si caah khauchung mi hna zongnih hmanlo ding in KNDF nih theihternak cathanh an chuah hi a si. BBC, The Chin Post

Be the first to comment

Leave a Reply

Your email address will not be published.


*