Nihin Naypyidaw Khuapi Kahdohnak Ah

Naypyidaw, Pyinmana peng Latphattawng khua pawng ah ralhrang motor 2 cu December 20 ah Naypyidaw-PDF nih bomb an puahhnawh in an doh hna caah ralhrang phu minung 12 an thi tiah Naypyidaw-PDF nih cathanh an chuah. December 20, zinglei suimilam 11:30 ah,.

Ralhrang phu hna motor 2 cu Naypyidaw-PDF battalion 802, tat-khuai 5 nih bomb lung 5 he an doh hna, cu dohnak ah cun ralhrang phu lei motor pakhat cu khorchung ah tla in ralhrang minung 12 nak tlawmlo an thi i minung 5 nih fakngai in hliamhma an tuar tiah NPTPDF nih cathanh an chuah. Khit Thit Media

Sagaing ramthen Kalay peng nitlak chaklei ah Kalay-PDF battalion 5 le ralhrang phu kar December 20 ah kahdohnak a chuak, ralhrang phu lei in minung 5 an thi tiah khuachung thawngzamhnak nih a langhter. Cu kahdohnak cu Kalay-PDF battalion 5 cun battalion 6 nih an bawmh hna i battalion 6 in minung pakhat a nunnak a liam.

Ralhrang phu hna nih Kalay-Gangaw, Kalay-Tedim tlanghrawn ah rallam sial ding in timhtuahnak an ngei tiah theih a si. Cun nihin December 21, ni ah Sisankhua cu ralhrang phu hna nih luhhnawh in khuachung ning ti ngawt in mei khangh in an hrawh tiah khuachung mizapi hna nih an chim.Khit Thit Media

Be the first to comment

Leave a Reply

Your email address will not be published.


*