Nihin ah Ralhrang nih Khuapi Ning Bak in An khang Cang a Poi Ko

Loikaw peng Gunnakaloekhu khua cu ralhrang phu hna nih nihin December 20 zinglei suimilam 7:00 hrawngah luhhnawh in khuaningpin mei an khangh tiah KNDF nih cathanh an chuah. ” Nihin zinglei suimilam 7:00 hrawngah Gunnakaloekhu khua cu ralhrang phu nih mei an khangh,

December 18 ni zongah Dawsawwai Nawnglung khua meikhangh tu phu an si” tiah khuachung thawngzamhnak nih a langhter. December 18 ni ah ralhrang phu hna nih Loikaw nichuak thlanglei Shan-Kaya ramri Nawnglung, Kunna khua telhin khuali cu luhhnawh in meikhangh in an hrawh . Khit Thit Media, The Chin Post

Vawleicung ngandamnak zohkhentu bu ngan bik WHO(World Health Organisation) nih vawleicung ram 89 ah covid zawtnak phundang in a sersiam mi Omicron cu an hmuh cang kong an chim. UN Health Agency nih cun covid zawtnak phunkhat Delta variant nakin Omicron cu i chawnh a fawi deuh caah,.

Kum 2022 ah cun vawleicung ram tam deuh nih Omicron kan i chawnh dih te lai kong an chim. WHO nih an langhter ning ah cun covid rai aa chun cang mi hna le covid zawtnak in a dam cang mi zong ah zawtnak hi fawi tein i chawnh khawh thiamthiam a si kong an chim. Europe ram hna lak ah UK cu Omicron a tuar bik mi ram an si i,

Nizan thawng kan hlat tiang ah minung 80,000 hrawng nih Omicron zawtnak hi an i chawnh cang, tiah theih a si. Europe ram hna nih cun Omicron rai khamnak ah hin covid dose dang an i chun chap cuahmah hna. Hi lio ah Netherlands nih cun an ram ah covid a karh tuk caah ramri le vanlawng lam hna an khaar ve cang, tiah an Prime Minister Mark Rutte nih a chim.

Mizapi tamnak hmun restaurent, bar, cenima hall, museum le theatre hna cu January 14 tiang khaar rih ding in theihternak an chuah. Hi lockdown ah hin mizapi herhmi zuarnak super market le sii dawr hna cu aa tel lai lo. Hawileng zong pali ngeih khawh a rak si nain, pahnih lawng ngeih khawh a si cang lai, nain hi phungphai belte hi cu chrismas ah kalpi a si lai lo, tiah theih a si. the chin Post

Be the first to comment

Leave a Reply

Your email address will not be published.


*