Ralhrang phu hna le mizapi vengtu ralkap An I Kap i Min Aung Hlaing nau le 90 An Thi 40 hrawng hliam an tuar

Sagaing ramṭhen Pale peng chung ah ralhrang phu hna le mizapi vengtu ralkap PRA kar nihnih chungah kahdohnak voi 8 a chuak i ralhrang phu lei in minung 32 an thi tiah PRA in biachimnak nawlngeitu Bo Japan nih a chim.December 15, zaanlei suimilam 5:30 hrawngah Pale peng Gandawngh palek sakhan in ralhrang phu minung 15 cu dumchung an umlio ah mizapi vengtu ralkap PRA nih a thli in an doh hna.

Cu dohnak ah cun ralhrang lei in minung 4 an thi tiah theih a si. December 16, ni zinglei suimilam 7:40 hrawngah Pale pengchung in ralhrang minung 20 a phormi ralhrang motor pakhat cu PRA phu nih an doh ṭhan i ralhrang motor cu lampawng ah a tla, cu a tlaknak hmun ah mizapi vengtu ralkap nih bomb an puahhnawh ṭhan hna caah ralhrang minung 25 an thi tiah Bo Japan nih cun a chim.

Cun chunhnu suimilam 12:30 hrawng Pale pengchung ah ralhrang phu motor cu mi zapi vengtu ralkap PRA tat-khuai 28 phu nih bomb in an doh hna caah ralhrang minung 7 an thi, tat-mah 11 kuttang um tat-yin (khah-mah-yiah 217) nih rallam an sial lio ah PRA nih an doh hna. Cu dohnak ah cun ralhrang lei in minung 6 an thi tiah theih a si. Ref: Khet Thit Media, the chin post

KNU brigade 5 Phapun pengkomh ah ralhrang phu,BGF phu le KNLA brigade 5 phu kar ah December 1 in ni 15 tiangchung kahdohnak voi 111 a chuak i ralhrang lei in minung 54 an thi, minung 39 nih hliamhma an tuar tiah Mutaw thawmhzamhnak nih fehternak he cathanh a chuah. Ralhrang phu le KNLA kar kahdohnak ruangah,.

KNLA lei in minung 1 a nunnak a liam i, minung 6 nih hliamhma an tuar tiah theih a si. Phapun-Kamamawng lamcung meng 21 le Khyautejya umhmun khuarmi ralhrang phu le ramri hngak BGF phu hna nih khuachung mipi umnak inn le dum ah hriamngan in voi 108 hrawng an kah tiah Mutaw thawngzamhnak nih cathanh a chuah. Khit Thit Media, The Chin Post