Nihin November 22, ni khat chungte ah Kawl ralkap 49 an thi i, PDF in 4 an thi ve, tiah KTM nih cazin an tuah. Rilawnh in ara mi ralhrangbu hna cu Kani PDF nih an kah hna ralhrang 8 thi Kani peng Yin Ying Taw Teih ah nizan ah rilawnh in ara mi ralhrangbu hna cu Kani PDF nih kham in an kah hna i ralhrang 8 an ghi 3 an hiam i mizapi vengtu ralkap lei in ahliammi an um lo tein hnu kan tolh khawh tiah Kani PDF nih tuni November 22 ni ah athanh. Than Lwin Khet
NUG nih Suimilam Pathum chung ah Tangka Sachoh $3 Million man a Zuar Khawh Colh timi thawngpang The Chin Journal nih thawngthanhnak a hun tuah cu lung a hmui taktak. NUG cu ram mipi dihlak dirkamh mi a si caah an tuah mi kip ah rianrang taktak in hlawh tlinnak an hmuh peng ko. NUG nih nihin zaanlei sml. 2:00 thawk in tangka sachoh zuar hram a thawk i suimilam pathum chungte ah US tangka ting 30 ($3million) a zuar khawh manh cang.
Tangka sachoh timi cu acozah nih sachoh a cawtu rammi sin in tangka (a karh in) aa cawimi a si i atutan NUG nih a zuarmi sachoh i kum 2 chung ca a si. Nihin November 22 zinglei 9:00 in zuar ding in timhtuah a si nain sacoh an zuarnak website security lei ttha deuh in an sersiam caah zaanlei sml. 2:00 tu ah an zuar tthan hi a si.
NUG Tangka Sachoh zuarnak in an hmuhmi tangka vialte cu atulio Myanmar ramchung dothlennak ca ah akenkip in hman a si lai, tiah NUG nih thawng an thanh. The Chin Journal Note: Atu NUG Cozah nih Phaisa Sachoh an zuar mi vialte, an phaisa hmuh mi vialte hi tulio Kawlram dothlennak ralhrang cihmih nak ding caah an hman dih ding a si. SAC ralhrang a rannak in a dih ding hi mipi dihlak duh mi a si caah NUG nih thil an tuah bak in mipi tampi nih an cawk colh cio zong hi asi.
Leave a Reply