Ralhrang Pawl Hi Cu An Molh Tuk Nak ah An pathian hmanh pei zei ah An Rel Tilo An tthuat ve Cuahmah Hna Hi

SAC ralkap nih Wunchone khuami motorcycle 13 an khangh, Phungki sianginn hrawh, September 3, Magwe Ramthen, Pauk Peng Wunchone (Wanchung) khua Phungki sianginn SAC ralkap nih an hrawh i khuami motorcycle 13 mei in an khanghpiak hna. Hika Phungki sianginn ah hin SAC ralkap pawl umhmun khuar in khua an sa. Phungki sianginn an chuahtak tik ah mizapi hlut mi facang zong an khangh. Facang, motorcycle 13 an khangh pin ah an i dornak Phungki sianginn an hrawh rih, tiin khuami nih an chim tiah KTM nih a tial. The Hakha Times

awlram chawlettu crony U Tay Za le a company (Htoo group) cu UK nih kharphihnak ka tuah lai tiah nizan September 2 ah a thanh. Hi hi ralhrangbu he a pehtlaihmi hna cungah United Kingdom nih a voi 7 nak kharphihnak a tuahnak a si. UK foreign secretary Dominic Raab nih U Tay Za le Htoo group cu kharphihnak kan tuah lai pin ah ralhrangbu telin mipi a that tu le fahnak a pemi hna thazaang a pe mi a ho paoh UK cozah nih kan phihkhar lai tiah a ti.

U Tay Za le Htoo Group hna hi 2017 kum in Rakhine ramkulh chung ralhrangbu nih Rohingya miphun hna an thahnak ah an bawmh ruangah atu bantukin phihkhar mi a si tiah UK cathanh nih a langhter. UK cozah nih;ralhrangbu nih uknak a lak hnuin atu tiangah sualnak a ngei lo mi mipi an thah hna, nuhrin covo an buar mi vialte ngol a timh lo lengah a tuah cuahmah rih. Mah bantuk thil a tuah mi ralhrangbu hna hriamnam le tangka in a bawmtu le bawmhnak a pe mi hna vialte cu chawlehnak lei kharphihnak kan tuah hna lai tiah a ti. Ref; govuk

alhrangbu nih KNU d(h an timhnak ah nunau pawl cu an phaw caah an tlaih hn i, an hruai hna tiah Klo FM nih a chim. Nizan September 1 zinglei ah KNU brigade 6 Dooplaya pengkomh Kyainseikgyi peng Pikaladon khuami nu pakhat an tlaih pin ah Yakya khuami nu pakhat le Mikatho khua in nu 2 hna cu an tlaih hna i, an kalnak kip ah an hruaihna tiah KNU brigade 6 thawngthanhnak nih a chim tiah Klo FM nih a langhter.

Hi kong he pehtlaih in KNU concerned group in Pado Naw Sipho Yar Sein nih ralhrangbu nih nunau hna raltuknak ah an hruaimi hna cu zeitin hmanh in cohlankhawh ding a si lo. A hlan in Karen ramah kahdohnak tampi kan ton cang.Nunau hna cu ralhrang pawl nih a phunphun in an tuahto hna.Atu raldohnak ah phaw ah an hman mi cu zeitin hmanh ka cohpan khaw lo.Vawleicung phung an buar mi a si. An cungah hremnak kan pek a hau tiah a chim. The Chin Post