Ralhrang Patum An Mah Tein An i That

Matupi Ah Ralhrang Minung 3 Nih Spirit An Din Caah An Thi Chin ramkulh, Matupi- Palatwah motor lam cungah gate hngakmi ralhrang phu hna cu nizaan November 28 ni ah zu din ding an ngeih tilo caah spirit cu an din. Spirit a dingmi ralhrang minung 3 cu an thi tiah Zalen nih a tial.

Ralram ah Pastor dai tein um phung a si lo.Nizan ah ralhrang nih Matupi ah Pastor Ngai Kung an thah, timi thawng chia kan theih than. A fak tuk hringhran. Miphun venhnimnak caah nunnak petu Pastor Ngai Kung cu a sang bikmi upatnak ka pek. A thisen hi a lak in a luang lai lo; miphun luatnak le zalennak thlaici si hram seh.

Pastor Ngai Kung thihnak nihhin, atu kan chan chanchia ahhin Pastor te nih kan Church member le miphun hi tukforhnak le Satan hlennak in ven lawng siloin Satan hmanmi ralhrang le mitthalo hna kut hrimhrim in kan ven hna a herh zia a langhter ngaingai. Naite ah US ram Tennessee state, Nashville khuapi ah a ummi Light Mission Pentecostal Church ah aa pum liomi mipi cu misual pakhat nih meithal in kah a timh hna.

Meithal a puah manh hlan deuh ah, pulpit cungah a tthumi an pastor pa, Pastor Ezekial Ndikumana nih a zuan hnawh i a meithal a tlaih piak; amah zong ttuang ah a rial chih. A church member dangdang nih khulrang in an hun bawmh cio i meithal zun khat hmanh puah manh loin an tlaih i police kut ah an pek. Biakinn i zarhpi zingah thawngthachim le thlacam piak lawng hin pastor rian a rak tlamtling kho lo.

Kan member le kan miphun an nunnak hnawrsuang khotu ding le hrawkhral khotu ding a simi an ral phunkip in ven zong hi kan rian a rak si chih ve ko.”Pastor pi nih ramkhel kong ceih lo ding, pastor nih miphun dothlennak lenglang tuk in dirkamh cu a ttha lo, pastor te cu thlalawng hi cam ding an si ko” ti bantuk lungput hi kan miphun lakah a lar ngai rih. Hi bantuk lungput hi tthathnemnak a ngei lem lomi lungput a si.

Biakinn lengah a cangmi thil poh ah khrihfabu le pastor i thlak lo ding, timi lungput hi Bawipa duh piakmi lungput cu si dawh a si lem lo. Cu nak in a tthahnem deuhmi le Bawipa zong nih a kan fialmi cu minunnak kilven, zohkhenh le bawmhchanh hi a si. A him lomi minung an himnak ding, hremnak tuarmi an luat khawh nak ding, le a thi dingmi an nun khawh nak ding ca rianttuantu ding pei kan si cu.

Atu lio kan ram dirhmun hi cu ramkhel siloin “rambuai” tu a si cang.Ramkhel lio caan ah dai tein a rak ummi khrihfabu le pastor hna zong rambuai lio caan ahcun dai tein um sawhsawh phung a si ti lo. Biakinn chungah thla lawng cam ding zong a si fawn ti lo; Tuah khawh dingmi tete zoh ngiat i thazaang in maw, chawva le ruahnak peknak in maw rianttuan caan a si cang!

Kan miphun ningpi in rambuai chung i kan tlak dih cang caah, pastor te zong kan dihlak in Ralram pastor {Wartime pastor} kan si dih; khrihfabu zong kan dihlak in ralram khrihfabu {Wartime Church} kan si dih. Ralram ah aummi pastor le khrihfabu nih zeidah kan tuah lai? Zeidah kan rian a si? Zeitindah kan tuah lai? timi hngalhnak fimnak tu Bawipa nih kan pee cio hram seh! Ralram ah khrihfabu le Pastor dai tein um sawhsawh phung a si lo.Lawmhnak he,Hrambik Lian

Be the first to comment

Leave a Reply

Your email address will not be published.


*