Ralhrang Nupi Pawl An Mitthli Le an hnap Duk He an i Ciah Ko

Monekoe kahdohnak ah ralhraang lei a thi mi le hliam tuar 100 hrawng an um i hriamnam zong tampi an lak, Shan ramkulh, Monekoe um MNDAA sakhaan hna cu ralhraang nih hriamngan le raltuknak vanlawng hmang in atu le atu a kah tiah The Kokang thawngzamh nih a tial.

Cu ti thazaang tampi hmang in kahdohnak a tuah nain a hmun taktak ahcun ralhraang lei a thi mi le hliam tuar 100 hrawng an um. Hriamnam zong tampi an lak tiah The Kokang thawngzamh nih a thanh.

Sagaing ramthen Kalay peng nitlak chaklei ah Kalay-PDF battalion 5 le ralhrang phu kar December 20 ah kahdohnak a chuak, ralhrang phu lei in minung 5 an thi tiah khuachung thawngzamhnak nih a langhter. Cu kahdohnak cu Kalay-PDF battalion 5 cun battalion 6 nih an bawmh hna i battalion 6 in minung pakhat a nunnak a liam.

Ralhrang phu hna nih Kalay-Gangaw, Kalay-Tedim tlanghrawn ah rallam sial ding in timhtuahnak an ngei tiah theih a si. Cun nihin December 21, ni ah Sisankhua cu ralhrang phu hna nih luhhnawh in khuachung ning ti ngawt in mei khangh in an hrawh tiah khuachung mizapi hna nih an chim.Khit Thit Media

Covid rai thar tiah vawleipi nih kan theih mi Omicron nih cun Europe ram hna a tawngh hna caah Europe ram cheukhat nih lockdown an kalpi. Lockdown a duhlo mi mizapi nih duhlonak an langhter. Hi lio ah European Comission nih cun a ra lai mi thla thum chung ah covid raikhamsii dose 20 million an pek lai kong an chim. Tuzarh zarhpi ni ah khan EU nih cun covid raikhamsii tuahtu company Pfizer-BioNTech he hnatlaknak an tuah kong an thanh.

Hi raikhamsii pawl hi kum thar january thla ah dose 5 million an pek hmasa lai, february thla ah 5 million thiamthiam an pek lai, march thla ah khin cun 10 million pe kho ding in timtuahnak an ngeih kong European Comission nih an chim. EU le Pfizer-BioNTech nih hnatlaknak an ra ngeih cang mi he cun a dihlak in raikhamsii an cawk mi hi dose 215 million a si cang lai.

Tutan covid rai thar hi thiamsang tampi nih cun raikhamsii dangdang nakin Pfizer a that deuh kong an chim. Vawleicung ngandamnak zohkhentu bu ngan bik WHO(World Health Organisation) nih vawleicung ram 89 ah Omicron an hmuh cang kong an chim. UN Health Agency nih cun covid zawtnak phunkhat Delta variant nakin Omicron cu i chawnh a fawi deuh caah kum 2022 ah cun vawleicung ram tam deuh nih Omicron kan i chawnh dih te lai kong an chim.

WHO nih an langhter ning ah cun covid rai aa chun cang mi hna le covid zawtnak in a dam cang mi zong ah zawtnak hi fawi tein i chawnh khawh thiamthiam a si kong an chim. Europe ram hna lak ah UK cu Omicron a tuar bik mi ram an si i, thawng kan hlat tiang ah minung 90,000 hrawng nih Omicron zawtnak hi an i chawnh cang, tiah theih a si.

UK nih hin omicron khamnak ah lockdown a tuah cang i, hmun cheukhat ah cun Lockdown duhlonak mizapi nih an langhter. Hi lio ah Netherlands zong nih an ram ah covid a karh tuk caah ramri le vanlawng lam hna an khaar ve cang, tiah an Prime Minister Mark Rutte nih a chim. Mizapi tamnak hmun restaurent, bar, cenima hall, museum le theatre hna cu January 14 tiang khaar rih ding in theihternak an chuah.

Hi lockdown ah hin mizapi herhmi zuarnak super market le sii dawr hna cu aa tel lai lo. Hawileng zong pali ngeih khawh a rak si nain, pahnih lawng ngeih khawh a si cang lai, nain hi phungphai belte hi cu chrismas ah kalpi a si lai lo, tiah theih a si. The Chin Post

Be the first to comment

Leave a Reply

Your email address will not be published.


*