Depayin pengkulh chung raldohnak ah SAC ralhrang (30) leng kan thah hna tiah Galon PDF nih thawngthanhnak an tuah. Nihin zaanlei suimilam 3:30PM hrawng ah khan kahnak a chuah hi a si i a tlawmbik ah ralhrang a thimi hi (30) an si lai tiah an cathanh ahcun an langhter. Galon PDF, Squad PDF le Kawngkin PDF tiah phutum fonh in SAC ralhrang pawl cu an kah hna hi asi.
SAC ralhrang lei hi a tlawmbik minung(80) hrawng an si nain kan mah lei kan him dih ti a si. “SAC ralhrang minung(80) hrawng cu Depayin pengkulh chung an rak lut. Cun PDF pawl nih Bomb an tarh nak hmun chung an rak luh bak in Galon PDF, Squad PDF le Kawngkin PDF tiah i bawm in an kah hna. Cun an phu in SAC ralhrang pawl an um lio ah,.
Bomb an puah hnawh hna hi asi” tiah PDF Newsflash nih a tarlangh ning cu asi. Raldohnak caan zeimawzat a chuah hnu ah PDF phukomh hna cu him tein hnu an kir than dih ko. Nihin zaanlei dohnak ah kan mah PDF lei a thi le hliam tuar kan um lo, SAC ralhrang lei cu a thi mi an taam lawng si loin hliamtuar zong an tam tiah an chim hi asi.
Mandalay ramthen Singthkai peng Yuabu khua zu dawr ah zu ding liomi ralhrang phu hna cu bomb puahhnawh an ton caah a thimi an tam lai tiah Singthkai PDF nih cathanh an chuah. Nizaan December 3, zaanlei Yuabu khuachung ah umhmun khuarmi ralhrang phu hna cu Myokung khua ah ummi zudawr pakhat ah thu in zu an ding, Zu an rit caah hramhram in buainak an chuahpi caah,.
Singthkai PDF nih a hlatnak in bomb lunghnih in an chehhnawh hna tiah theih a si. Ralhrang phu zu dinnak ah bomb puahhnawh an ton caah ralhrang minung 12 cu hliamh an si caah a thimi zong an tam lai tiah theih a si. Bomb hliamh a tongmi ralhrang phu hna nih khuachung an duhnak hmun poh ah meithal an puah nain Singthkai PDF lei hliamtuar um lo in hnu an tolh kho tiah theih a si. Ref.Delta News Agency
Sagaing ramthen, Kalay peng, LayChia le SiaTaw khua hna cu mei in an kangh i PDF riahbuk va lak ding ah akal mi ralhrang cu lampi ah Rangger Kalay phu nih December 3 ni zing sml 8: 30 hrawng ah bomb in an puahhnawh hna i ralhrang 3 ahmun ah an thi colh, a zan ah hliam a tuar mi 7 an thi chap tiah Ranger Kalay phu sin in theih a si. Hi hliam atuar i athi mi 7 KoneThu khua thlan hmun ah an vui hna i a dang hliam tuar mi 23 chung ah an nunnak caah,.
Thin phang a si mi an i tel tiah Ranger Kalay phu hna nih cathanh an chuah nak ah theih a si. Mah ralhrang phu hna cu Dalan lam hmuh sak nak in rallam 3 hmang in thazaang 120 leng in Ranger Kalay Defend Force phu riahbuk lak ding in an rat thawng cu Ranger Kalay nih thawng an theih cia caah bomb puahhnawh in an rak doh hna hi asi. Ranger Kalay phu hna tlaihmi le a hliam mi um lo tein hnu an tolh kho tiah theih a si. Ref. Khit Thit Media, The Chin Post
Leave a Reply