Ralhrang nih PDF Sakhan An Luh Hnawh Hawi

Sagaing ramthen Monywa pengkulh chung khuate (5) cu SAC ralhrang nih tharung hmang in an luh hnawh hna i Monwya PDF Sakhan pakhat le a dang PDF Sakhan pakhat an khangh piak hna, cu pin ah SAC ralhrang nih mipi inn lo an hrawh i an thilri le phaisa pawl an fir piak hna tiah Khit Thit Media nih a langhter.

PDF Sakhan an khangh mi hi Monywa PDF Tatkhuai Sakhan a si. Nihin PDF Sakhan an hrawh mi ah Motorcycle (4) zong SAC ralhrang nih mei in an khangh chih ti asi. SAC ralhrang pawl nih Monywa PDF Sakhan cu an luh hnawh, mei in an khangh ko nain PDF pasaltha pakhat hmanh an tlai kho hna lo, cu pin ah PDF lei hliamtuar pakhat hmanh an um lo ti asi.

SAC ralhrang lei nih an hrawh khawh mi cu PDF Motorcycle (4) te lawng a si ko tiah an langhter. SAC ralhrang pawl cu PDF sakhan an luh hnawh i an khangh ko nain zeihmanh hlawh tlinnak an ngei hlei lo, PDF pasaltha pakhat zong an tlai kho hna lo. Cu caah pawngkam khuate pawl ah an lut i khuami inn cheukhat mei in an khangh pin ah mipi thilri le Phaisa zong an fir chap tiah Khit Thit Media nih cun a langhter chap fawn.

Lunglawmhnak, Mizaw mifak phurhnak, bawmhnak le riantuannak caah motor an kan hlutu Indiana Chin Baptist Church Mission Department le Battle Creek Chin Baptist Church cung ah kan lung aa lawm tuk. Alphard 2002 model le 2006 model an si. Pathian nih miphun dirkamhtu le cawisangtu ah thluachuah pe chin hna sehlaw hmangchin hram hna seh.

Khrihfabu chungtel pumpak cio zong Pathian sunparnak langhtertu le miphun thangthat tertu ah Bawipa Pathian nih in hmang chin hna seh. Pathian sin ah kan pekchanh mi motor 2 zong mizaw mifak bawmtu le riantuannak caah Pathian nih thluachuah kan pek piak hram seh. Kan i lawm taktak. Hakha Township Public Healthcare & IDPs Management Committee

Be the first to comment

Leave a Reply

Your email address will not be published.


*