Kachin ramkulh Tanaing – Shinboiyang lampi Tarung khua ah a phan mi ralhrangbu hna nih KIA, PDF nih nan kan kah ahcun khua mei in kan khangh lai tiin khuami an fial hna tiah khuami hna sin in theih a si. Tarung khuami pakhat nih; September 11 ah khan kan khua biaknak bukip hruaitu hna cu meeting an auh hna i, KIA le PDF hna nih an kan kah sual ahcun khua mei in kan khangh lai tiin thawngthanh dingin an tlerh hna. Mah ruangah biaknak lei hruaitu le khuanu khuapa hna nih KIA le PDF sin ah ralhrangbu hna cu kah lo dingin september 12 ah khan an nawl hna.
Tarung khua ah hin ralhrangbu hna hi 100 leng an um i, phungki inn le Tarung hlei ah umhmun an khuar i khua luhchuahnak vialte an chek hna i, thazaang chap i chek nak kutka kauh an timh tiah theih a si. Ralhrangbu nih Tarung hlei ah hin checkgate an rak ngeihbal mi a si i, August thla chungah KIA nih mei in an khangh piak hna caah phungki inn ah an um chung mi a si. September thla 7 ah khan Tanaing leiin an rak kai than hi hmunhma an lak than mi a si. An rak kai ah KIA he zong an i kap tiah KNG nih a tial.
Chin ramkulh, Kanpalet khuachung ah CDF-Kanpalet phu hna le nawlngeihnak la tu ralhrang phu kar ah nihin September 15, zinglei suimilam 7:00 hrawng in kahdohnak a chuak, ralhrang phu lei nih hriamngan 8 cu electric zung,Myanmar economic bank hmunhma ah a puak tiah theih a si. Kanpalet khua , sizung lam ah ummi myanmar economic bank hmunhma ah lung 1, pawngkam inn ah lung 5 cun, electric zung hmai ah lung 2 tiah an puak. Kanpalet khua mi pakhat nih” inn cung ah cun an tla lo,
Inn pawngkam ah an tla, inn-ka an baoh, in a hrawh pah mi an um na in minung hliam mi cu a um lo .A hlan ah cun khualeng ah hriamngan in an kah, nihin ah cun khuachung ah an kah . Hriamngan cu zinglei suimilam 7:00 in khuachung he khualeng he an kah, suimilam 9:00 hrawng tiang . Meithal cu pehtlai in an kah. Zinglei in an kah caah rawlzong kan ei kho lo, inn tang ah kan i thup hna, mei zong a mit chap rih” tiah a chim. Ralhrang phu hna cu palik sakhan, high school sianginn ah umhmun an khuar, nihin zinglei kahdohnak zong sianginn pawng an i kah hi a si.
Ein Dra Kyaw Zin le Pai Phyo Thu an i tel nak “What Happened To The Wolf?” Germany movies puai caah an thim.15 September, 2021 Ein Dra Kyaw Zin le Pai Phyo Thu an i tel nak “What Happened To The Wolf?”movie cu Germany ram movies puai ngan pakhat a si mi Oldenbury International Film Festival ah piah ding in thim a si tiah ka theih. Mah movie hi Director Na Gyi nih a thlak mi Ein Dra Kyaw Zin le Pai Phyo Thu hna hmun khat ah Pa lem cuang ah Lwin Moe,
Aung Myint Myat hna an i tel i Kyaw Thet Aung, Thu Tha, Thiri Soe, Aa Ko Yar hna cu lemcuang dirhmun ah an i tel nak a si. Movie puai ngan cu September 15 in an tbok i 19 tiang tuah ding mi puai a si i mah Movie cu World Premiere caah piah asi lai tiah kan theih. Mah movie i lemcuang bik a si mi Ein Dra Kyaw Zin le Pai Pyo Thu hna cu Movie puai pi ah Seymour Cassel Award For Outstanding Performance caah Nomination Screen cazin ah an pahnih tein an i tel tiah kan theih.
Tu lio Myanmar boruak ah hin ralhrang hna nih nawlngeih nka an lak hnu i lemcuang rian hna cu an i din i dothlen nak ah mipi lei in fek tein an dir mi hna cu an tleih chin hna . Mah movie chung in a tel mi Princess Ein Dra Kyaw Zin zong dothlwn nak lei ah a tel ruang ah apasal a si mi lemcuang Pyi Ti Oo he an tleih hna i Director Na Gyi le Pai Pyo Thu hna zong Puh- Mah 505 (A) in tleih ding ah nawl an chuah hn caah a zaam hi a si. DVB
Leave a Reply