Ralhrang Kut In An Kan Liam Tak Mi Kan Far People Defense Force Kan Far le Hna
==============
kum 2021 Febuary nikhat ah khan Min Aung Hlain te phu nih hramhram in uknak an rak lio. Uk lak an lak ni tlawm pawl a rauh hnu ah duh lo nak langhter a rak si.
Uk nak duh lo nak langh ter nak ah cheu khat cu lam an zawh. Cheu khat chengcheng bawng bawng tum in duh lo nak an langh ter.
Micheukhat nih an um nak cio in an mah le an um nak cio in duh lo nak an rak langhtr hna. Uk nak duh lo nak langh
ter nak ah ralhrang lei meithal kah nak in a kan liam tak mi an tam.
Micheu khat an rak tlaih hna i thawng an rak thlak hna. Mah duh lo nak langh ter hnu ah meithal in duhlo nak langh ter a si.
Cheukhat cu ramlak an dohthlennak tuah ruah ah an phan. Mahh le miphun caah ti in nun pek in ram lak an phan.
Mah hna ramlak aphan mi hna lak ah kan far le tampi an i tel ve hna.
Pa lawng hi ram caah rian atuan kho mi pa lawng hi an si lo tiin kan far le zong an i tel ve hna. Mah dohthlennak tuah lio le Duhlonak langter nak ah Ralhrang nih an thah piak mi ram caah anun aa pee mi kan far le an si.
News Dang, Demawso Kahdohnak Ah Ralhrang Lei Minung 30 An Nunnak A Liam. Demawso le Loikaw kahdohnak ah rahrang lei in minung 30 an liam. Hriamnam an lak piak hna rih,vanlawng pakkhat cu tla lak an kah piak hna hlei ah Tank bak mei in an khang piak rih hna.
Karenni, Semawso khuapi in meng 5, meng 6, Dawpusi in, Loikaw pengkomh Mailung le Pankan veng tiang nihin ah kahdohnak afak ngaingai i ralhrang lei in minung 30 an thi i hriamnam zong an lak piak nak hna kong cu Karen Mipi Hmunhim tu nih thawng athanh.
Mah kahdohnah chung ah ralhrang lei in Bu a si mi, pakhat telh in a tlawm bik ah minung 3 an thi i hliam atuar mi zong an tam, Mah kahdohnak ah ralhrang lei Tank pakhat an hrawh, karenni National defense Force nih kahdohnak ah hriamnam 11 le hriamnam ngan, kuan le hriamma hme, kuan pawl hna zong an lak piak chih hna tiah theih a si.
Ralhrang lei an hliam nagi i Helicoptar le raltuknak vanlawng pahnih in baawm in an phuah hnawh hna, an kah hna. Chun suimilam 2:00 in zanlei suimilam 9:00 tiang raltuknah van lawng le Helicopter in voi 11 akah hna tiah theih a si. Zaan suimilam 10:00 hrawng ah ralhrang lei nih Helicopter pakhat in akah hna lio ah tla lak in an kah ve.
Loikaw khuapi, Dawmokala khua phawng ah atla i akang dih tiah theih a si. Ralhrang pawl cu ralkap thazang thawng taktak le raltuknak Tank an hman i an kah hna nain athi mi an tam ii meng 5, meng 6 tiang Dawpusi lei ah an kir than tiah theih a si.
Ralhrang ralkap hna cu mah hmuhhma ah um mi inn le chaw le va hna cu an lak ii canter motor pahnih in an phorh. Mah khawh in mah hmunhma i aum mi inn 10 hlei cu an hrawt i mei an khangh. Cun Demawso khuapi, Nguataungsi phawng le Demawso khaupi Police sakhan zongah kahdohnak a chuah ve i ralhrang ralkap lei in hliam atuar mi an tam tiah theih a si.
Nihin Loikaw khuapi kahdoh nak chungah ralhrang ralkap hna nih Loikaw People Defense Force ralkap pakhat an kahthah ve tiah theih asi. Karenni National Defense Force in nunak aliam mi cu Paraltha tiah tuanbia an tial i ukpat nak kan pek tiah cathanh an chuah.
Leave a Reply