UN ah NUG palai a simi U Kyaw Moe Tun aiawhtu dingah ralhrangbu nih ralbawi Aung Thurein cu palai ah an thlah nain UN nih a cohlang lai lo tiah thiamsang hna chimmi cherhchan in Reuter nih a tial. UN chungtel ram cohlangtu Credential Committee meeting cu US ram New York khuapi ah December 1, tuni in thawk a si cang lai.
Afghanistan in Taliban thlahmi palai le Myanmar in ralhrangbu thlahmi palai hna cu an ram mipi le cozah aiawhtu palai ah cohlan ding a si kho lo tiah UN palai dang hna nih an chim. Taliban le ralhrangbu nih nawlngeihnak an chuhmi hmasa cozah hna palai kha aiawh/thlen an i zuammi a si.
US, China le Russia an i telnak UN Crdential Committee nih UN chungtel ram 193 hna chuahpimi kha an i ceih lai i biakhiahnak an tuah lai. UN Credential Committee nih Afghanistan le Myanmar aiawhtu palai kong hi thawn rih in atu i an palai hna hi cohlan rih a si men lai tiah UN palai pali hna nih chimmi cherhchan in Reuter nih a tial. The Chin Post
Yangon ramthen Taketah peng no.6 sangchung ah nihin December 1, zinglei ah hramhram nawlngeihnak la tu ralhrang phu kuttang riantuan mi innhra uktu Ko Win Gyine cu meithal kah in thah a tong tiah cuka pawng ummi hna nih an chim. Taketah pengchung Waizayanda, no.13 lamcung ummi lakphak dawr chung a thut lio ah meithal kah a ton hi a si, cu meithal kah a tonnak hmun ah cun a thi colh tiah cuka hmun pawng ummi hna nih BBC ah an chim.
Leave a Reply