Mandalay in Shweboo lei ah a kalmi ralhrang phu motor cu nizaan November 28, zaan suimilam 9:45 hrawngah a hlatnak hmun in bomb hmanh hnawh an tong tiah Myinphyushin mipi ralkap lei in rianngei pakhat nih a chim. g Express motor cu Sagaing ramthen Walat peng Yuatargyi khua le Satawng khua kar ah bomb puahhnawh an ton hi a si.
” Bomb pahnih kan puahhnawh hna, bomb a puah cang ka in motor a dir colh. Motor hnu lei cu a rawk dih, a mawngtu a hliamh le hliamh lo theih a si lo na in, a hnu a thumi hna cu tamngai hliamh dawh an si” tiah Myinphyushin mi zapi vengtu ralkap phu in rianngei pakhat nih a chim. Bomb puahhnawh ruangah ralhrang hliamtuar tamngai umdawh an si leng ah ralhrang minung 10 hrawng an thi. Myinphyushin mi zapi vengtu ralkap phu hna cu hliamtuar um lo in hnu an tolh kho tiah theih a si. Mizzima
Omicron Variant Rai Zawtnak Omicron Virus cu vawleicung ram 13 ah an hmuh cang. Kan in lnnpa Canada zongah an hmuh cang. South Africa in i thawk dawh a si an ti. President Biden nih thaizing ah US cozah nih irunvennak kong press conference a tuah lai. Tuchun ah White House ah President Biden le COVID-19 Response Team hruaitu hna laak hruak meting an ngei. South Africa ah tlawn lo dingah thawngthanhnak zong tuah colh a si cang.
FDA director Dr. Fauci nih “zawtnak rungrul a ngeimi hna data kan laak lio a si, booster a chun cangmi caah cun phan tuk ding a um lo” a ti. Asinain ttihnung bik dirhmun zong kan phan kho” a ti. Mah tluk in sipuazi a rawk, supply chain an cawl kho lo, riantuan loin Biden nih phaisa a vorh caah thilman a kai. Kan phaisa purchasing power a zor. Atu Omicron virus nih a kan den than ahcun zei dirhmun kan phak lai hngalh a har ko ee.
Leave a Reply