Ralhrang CDM Tuah mi an tam i kan i lomh Rual In Tih An Rak Nung Tuk

Labutta peng pelek ralhrang Kyaw Ko Ko cu CDM a tuahmi ka si tiah mizapi hlutmi phaisa a hlen hna hnu ah Hliang Thar Yar peng palek sakhan ah an rak tleih i Non-CDM a tuah than tiah Labutta peng mizapi vengtu ralkap hna nih an chim. Palek zaam asi mi ralhrang Kyaw Ko Ko cu CDM a tuahmi ralkap pawl pek mi mizapi phaisa an hlen hna hnu ah a zaam.

Amah hi CDM Ka si tiin amah le amah theihternak atuah zumhtlak bantuk in a thilri cu a zohter hna, amah cu ahimnak hmun ah kan kalpi i kan bawmh , amah cu zumh in a rak zul mi adang CDM palek hna zong an um. Mah kaa zawn ah bawmh ahal hna bawmhnak ahmuh mi vialte cu azaam pi dih i Hliang Thar Yar palek sakhan ah a tleihter than i Zahan November 23 ah Hlaing Thar Yar ralhrang sakhan ah mizapi cawlcangh ningcang a phuan dih” tiah Laputta PDF sin in theih a si.

“kan sin ah a ummi a si, CDM tuahmi ka si ti caah kan umter mi si, Amah nih a auhmi hna a dang CDM tuahmi zong an um, Mizapi sinin phaisa a hlen hna hnu in a zaam, Atang mi CDM tuahmi zong amah ruangah chekhlat an si.”tiah Laputta PDF chung tel pakhat nih a chim. Palek ralhrang Kyaw Ko Ko cu Non – CDM atuah than caah amah he a pehtlai mi PDF hna cu ralrin tein um i i thuhnawh chung ding in Laputta peng PDF nih ralrin an pek hna.

Tanintharyi ramthen, Luang Lung peng, Kaw Inn khua Ge tuang pawngah November 23 zinglei ah thok in ralhrang thazaang 80 hrawng nih mizapi vengtu ralkap phu hna cu kawlnak hna an tuah tiah khuami hna nih an chim. ” Ralhrangbu thazaang 80 hrawng in hriamnam tling i put i. Ge Tuang pawng ah Ung Chiti dum, ramlak tlang cung hna ah mizapi vengtu ralkap phu hna cu an kawl hna.

Mah lamlak ah cun mizapi vengtu ralkap hna an hmuh lo tikah chun hrawng ah an kir than tiah khuami pakhat nih achim. ” Nizan thok in thazaang tampi le hriamnam tling he an kawl hna. Hmunkhat ah an hmuh lo caah hmun dang ah an kawl than. PDF hna an kawl hna tiah kan ruah ko. Khuachung ah um hmun khuar mi ralhrang phu hna an si ” tiah khuami pakhat nih than lwin times ah achim.

Tu cu ralhrang thazaang 80 hrawng Kaw Inn khua sianginn le phungki sianginn ah umhmun an khuar. Kaw Inn khuapawng Ge Tuang pawng ah November 21 ni zinglei ah ralhrang mawtaw pakhat bomb puah asi hnu hnu ah ralhrang le mizapi vengtu ralkap kar ah kahdohnak aum hi asi. Mah kahdohnak ah cun ralhrang 6 an thi i 3 an hliam, mizapi veng tu ralkap lei in(1) athi. Mah kahdohnak adih in ralhrang nih thazaang chap i mizapi vengtu ralkap hna cu ramlak ah an kawl hna hi asi. Than Lwin Times, The Chin Post

Be the first to comment

Leave a Reply

Your email address will not be published.


*