Kawlram ralhrang ah tihnung taktak a simi, Lainawng le misual, Kawlram mipi faaktuk in an kna hremtu le Tlangcung miphun faaktuk in an kan rialdip tu General Khin Nyunt cu thluak lei ngandam lonak a ngei cang, molh phutphet in a um cang tiah The Irrawaddy News nih a tarlangh. General Khin Nyunt hi Than Shwe chan ah Nawlngeihnak sangtaktak a ngeimi, Kawlram mipi nih rak tihbik mi asi.
Cun a mah hi Ralbawizik a si lawng si loin, Chief of Intelligence a si pin ah Prime minister zong a rak tuan mi asi. Mifim zel taktak a si mi, tihnung taktak mi asi. The Irrawaddy News nih cun “Kawlram chung ah tihnung bik a simi Sungthok Bawi, Chief of Intelligence” tiah a langhter mi asi. Tutan Min Aung Hliang nih rampi nawlngeihnak a chuh zong ah Khin Nyunt hi aa bochan taktak ti asi.
Ruahnak a hal mi, advisor bantuk ah aa chiah mi a si tiah an chim. A si nain atu ahcun misual Lainawng Khin Nyunt cu a thluak a tling ti lo, Molh phehphut in aum ko cang tiah The Irrawaddy News nih hlathlainak tha tein a tuah hnu ah a tarlangh mi asi. Naitan ah khan General Min Aung Hliang cu,.
Khin Ngunt inn ah hin a va kal i zeitin dah kar ka hlan lai timi ruahnak hal ding in a va kal hnawh, cun a kum a upa cang mi Khin Ngunt ka veh tibantuk in a kal. A si nain Khin Ngunt cu ruah lo pi in, dam lonak a rak ngei cang i a thluak a tling ti lo timi cu a theih ve ti asi. V>O<A
Karenni Nationalities Defense Force (KNDF) cu NUG Cozah nih official in theihpi mi, NUG Cozah he fonh in SAC ralhrang a dohtu phu an si tiah NUG Cozah nih official in ram mipi dihlak sin ah thawngthanhnak a tuah cang ko. Karenni hmunram chung ah faak ngai in SAC Uico ralhrang phu a dohtu hna,
Tutan rampi buainak hnu in raldohnak faakbik a tuahtu tiah timi KNDF-KA hna cu kan mah NUG Cozah he aa fonh mi, phundang in chim ahcun NUG Cozah kan ralkap puitling an si tiah NUG Cozah nih official in a thanh hi asi. KNDF cu tutan rampi buainak, SAC ralhrang uknak laknak hnu in Karenni ramkulh dihlak aiawh dirh mi KSCC taang ah a um mi,
Miphun ralkap caah dirhmi phu an si. Tutan ah SAC ralhrang dohnak ah faak ngai in a cawlcangh mi, mipi an dirkamh tu zong an si. Atu ahcun NUG Cozah nih official in theihpi nak le pomnak a tuah cang hna i NUG Cozah, Defense Ministery lei in lutlai Minister a simi U Ye Mon minsen thutnak in,.
Cohlan an sinak cathanh cu an hun tarlangh cang hi asi. NUG cawlcanghnak a thazaang a tthawn, tlangcung hriamlai dihlak, PDF le CDF cawlcanghnak a tthawng chin lengmang. Caan rau lo te ah Pathian nih teinak kan pe hram ko seh. V.O.M
Leave a Reply