Ralhrang An Hmai An Phiah Lio Bak Ah CDF, CNA nih An Kah Hna

Hakha GTI thlang Ralhrang riahbuk pakhat i Kahdohnak ah Ralhrang Palek 7 an thi Nihin November 9, zinglei 6:00AM hrawng Hakha GTI pawng ah hmun a khuarmi Ralhrang pawl cu CNA le CDF nih an kah hna. Ralhrang Palek 7 an thi tiin CNF Spoke person Salai Htet Ni nih a chim. “Minung 7 an thi.

Naitan Falam in a rak kai mi Ralhrang palek an si. CDF le CNA nih zinglei 6:00AM an riahbuk ah an hmai an i phiah lio ah kan kah hna. Minung 7 an thi,” tiin Salai Htet Ni nih People’s Spring sin ah a chim. An kah dih hna hnu ah CDF le CNA ralkap pawl cu an umnak hmun lei ah khawnden nak um lo tein an kir kho tthan tiah a chim chap.

Yangon khua Mayankung peng, Insein peng le Hlaingtaya peng in sang khuabawi dihlak nih ni 7 chungah rian ngol dih ding in le mipi lei tang ding in MLF nih nihin November 9 ah ralrin peknak cathanh an chuah. Ralrin peknak cathanh chuahmi zei ah rello in a ummi sang khuabawi hna cu, kahthah ding ah kan kut a nuar lai lo tiah MLF cathanh chung ah cun an langhter chih ” ,.

Sang khuabawi hna nih ralhrang uk duhlo langhter in lamzawh nak tuah lio ah ralhrang sin thawngpek nak tuah tu an si, a tu dothlennak ding ah kahdohnak a um lio ah, kahdohnak ah aa tello mi mino hna cu a diklo mi thawng ralhrang sin an pek ruangah tlaihkhih tong mi zong an um. A tu ah tha te in ngiatthlai an si ko. Mipi hna runvennak tuahpiak lo in harnak petu an si caah mipi nih kan doh lai.

SAC nih hriam bantuk in a hmanmi ralhrang le palik hna cu doh kan duh hna caah a tubantuk in rianngol ter hna ding ah ralrin peknak cathanh kan chuah hi a si” tiah MLF phu chungtel pakhat nih a chim. MLF nih an langhter mi pengkulh 3 chung um ralhrang phu riantuannak bawmtu khuabawi hna le, ralhrang sin thawngpe tu dalan hna cu MLF phu nih caan saupi checkhlatnak kan tuah cang hna tiah an langhter chih. Mizzima