Mipi Ralkap PDF/CDF Hna Nih Mipi Sinah An Kan Chah Mi Bia
” Kan mah kawl tthan nak hnga ding caah a ngah mi Tangkaa, phaisa, hraimnam kuan le zen cawk dingah rak kan bom hram ko uh. Kan nih cu kawl ttan, hmuh than khawh a si ti lo mi kan nunnak thap in kan nunnak peek in a dih tiang mipi caah ral chungah kahdohnak luh piak dingah kan i bomh tthan te hna lai.” tiah AK Media News nih CDF hmurka a tarlangh.
Relchap, SAC ralkap nih remdaih tonbiaruah sawmnak a tuah mi ah UWSA/NDAA/SSPP/RCSS/NMSP /ALP/ PNLO/DKBA/KNU-PC hna an kai lai, tiah theih a si. SAC ralkap nih Rakhine ram ah thazaang a chap tuk lawng siloin, zatlang ukhruainak le biaceihnak kongkau ah biatak tein a tawlrel cuahmah caah remdaih tonbiaruahnak ah kan kai lai lo, tiah ULA/AA in chimphuannak nawlngeitu Khine Tuh Kha nih a chim.
“SAC ralkap nih a phunphun in Rakhine mizapi harnak pek a timh hna. Zeihmanh a tuah sernak a ṭha mi a um lo. Ruah lo piin a kan tuk kho. Cucaah zumh awk hrim a tlak lo, kan tuahsernak hi kan lungput a si zungzal,” tiah Khine Tuh Kha nih a chim. “Biatak tein remdaihnak a duh ko a si ahcun a tuahsernak in a langhter awk a si. Kaphnih i zumhnak a ser a hau. Rakhine mizapi cung ah a tuahsernak vialte hi a ngolh hau. A ngol lo ahcun remdaihnak ti mi cu a hla tuk rih,” tiah a chimchap.
KNU Brigade 5 hmunram, Mutaw(ဖာပွန်) pengkomh chung umhmun kauhter aa tim mi, SAC ralkap le BGF i fonh cu KNLA Brigade 5 kuttang Battalion ralkap pawl he May 1 in 15 tiang ah voi 186 an i kap. Cu kahdohnak ah SAC ralkap 88 an thi i, 68 hliamhma an pu, tiah KNU nih cathanh an chuah. SAC ralkap motor 3 le an sii-inn pakhat kan hrawh. Ni 15 chung kahdohnak ah KNLA in ralkap 2 an thi i, 2 hliamhma an pu, tiah KNU Brigade 5 nih an thanh. SAC ralkap le BGF hna nih, mizapi umnak inn le lo ah hriamngan in voi 728 an kah i tualchung mi 1 a thih lengah 8 hliamhma an pu, tiah Mutaw thawng zamhnak nih a langhter.
Pakukko Ah Palik Bawi Chang A Upa Le A Nu Thah An Tong: Magwe ramṭhen, Pakukko khua No.1 sang um, SAC ralkap kuttang palik bawi chang (Deputy Chief of Police) a upa le a nu cu an umnak inn ah meithal in an kah thah hna, tiah tualchung mi nih an chim. Phawngtaw Oo lam le Boyoke lam kam ah um mi palik bawi chang Myo Ko Ko Chit a inn chung ah luhhnawh in, a upa le a nu cu kah thah an si, tiah theih a si. “Chun hnu sml 2:30 hrawng ah Palik bawi chungkhar thattu hna cu innchung ah an lut i an kah thah hna. Zei ruang ah dah an thah hna ti cu kan hngal lo,” tiah Pakukko khua mi pakhat nih a chim. Palik bawi chang a upa le anu an thahnak kong he pehtlai in PDF nih zeihmanh an thanh rih lo, tiah theih a si.
Relchap: Khin U Peng Ah SAC Ralkap Nih Inn 23 Le Tualchung Mi 2 Mei In An Khangh Hna! Sagaing ramṭhen, Khin U peng Theintaw(သိမ်တော်) khua le Innpat khua cu SAC ralkap nih, a ruang um loin an khangh caah khua hnih fonh in inn 23 an ciam i, khua mi 2 zong mei in an khangh hna, tiah Khin U thawngzamhnak nih a langhter.
May 15 zing sml 8:20 hrawng ah Ye U khua in a ra mi SAC ralkap 100 leng nih Shweyamin(ရွှေယမင်း) khua cu an khangh. A pawng kam um mi Theintaw khua zong zing sml 11:45 hrawng ah an khangh i, inn 17 an ciam ve. Ral i khamhnak ca ah an tlaih mi khuami pakhat cu an thah i capawl lakah mei in an khangh. A ruak cu mei nih a kangh tuk caah aho si an hngal lo, tiah theih a si.
May 16 zing sml 10:00 hrawng ah Innpat khua um ralzam mi hna umnak sianginn chung ah, hriamngan le hriamhme he SAC ralkap nih an kah caah PDF nih an kah ve hna i, SAC ralkap lei hliamtuar mi an tam caah mizapi umnak inn 6 an khangh i, capawl an chiah mi hna zong an khangh piak dih hna. Theintaw khua le Innpat khua cu SAC ralkap nih, hriamngan in an kah caah saṭil a thi mi an um. Inn le lo zong an rawk dih. Khin U peng ah SAC ralkap nih mizapi inn cu atu le atu mei in an khangh piak hna. Ral i khamhnak ca ah khua mi zong an tlaih lengmang hna. Inn ngei lo an tam caah a rannak in bawmh an herh ko, tiah Khin U thawngzamhnak nih a langhter.
“Rakhine mizapi cung ah a tuahsernak vialte hi a ngol ahcun kaphnih kar i zumhnak a um lai. Anmah le an umnak camp ah an um ahcun a poinak a um lo. Cu lawng si loin ramkhel buaibainak vialte hi ramkhel biaruahnak in a phi kawl a duh taktak ko ahcun, Rakhine ramkulh chung ah a cawlcangnak hi a ngol a hau,” tiah a chim rih.
SAC ralkap nih Rakhine ram chung ah May thla thok in thazaang tamtuk a chap lawng siloin, khuate cheukhat ah an lut i bia an hal hna. ULA ṭuanvo ngeitu hna zong an kawl len hna. Mino pawl zong AA he pehtlaihnak nan ngei, tiah sual an puh hna i an tlaih hna. SAC ralkap le AA cu a luancia 2020 ram pumpi thimnak tuah hlan deuh ah kaphnih remhdaihnak in kahdohnak an rak ngol. Asinain, May thla thok in peng cheukhat ah SAC ralkap le AA karah kahdohnak a chuak, tiah theih a si.
Relchap, Rakhine ram ah kahdohnah pawl chuahter tthan lo dingah kap hnih in ceihhmainak ngeih a herh tiah cathial thiam Way Hein Aung nih CNI ah a chim. Rakhine ralkap AA in Rakhine ram ah kap hnih kahdohnak pawl caan rikhiah loin a chuah kho nak kong cu May thla ni 15 ah chuah a si.
Wah Hein Aung nih , ” A biakin kan hmuh ningah ceihhmainak ngeihter hi duh a si. AA lei nih an herh mi an chuah pi zongah SAC ralhrang lei nih an mah an duh mi chuahpi a herh mi a si. Mah chuahpi mi ah khan ceihhmai a si lai cu. Ceihhmainak ceih ter hi duh mi a si. Si duh ter mi cu zei a si ti ah cun khi lei ah ralzaam har tong pawl zong tampi an um.
Minung 90000 hrawng inn ah a kir kho rih lo mi an um rih. Hi hna pawl zong hi ruah a sur hlan ah inn ah kir ter an herh. Mah sining buah kahdohnak a chuah tthan ah cun hinak in a har deuh a cian deuh lai i, a tha lo. Cu ruangah kan mah nih kaphnih in ceihhmainak , i theihthiamnak negih ka duh piak hna” tiah a chim.
NUG nih May thal ni 15, a voi 9 nak Rakhine miphun ni ah ca a kuat hna i, mah cakuat ah Rakhine miphun hna nih an intuarnak khamhnak nak hnag ding caah le Rakhine ram nih a cohnga ding pawl co dingin kan i zuam ko tiah mah cakuat ah an tial chih. Mah kong he pehtlai in Rakhine ca tial thiam,
Wah Hein Aung nih NGU Leiin Rakhine mipi hna caah bia in si loin rian in tette piak ding a tinak kong cu CNI ah a chim. Catial thiam Way Hein Aung nih ” Bia lawngin siter lo dingin kan nih nih cun rian in si ter kan duh. A caan caan ah bia cu a holh a tam ton i, rian a si lo zongah cucu a poi lem mi a si lo.
Hlan zongah a tu bantuk in statement pawl chuah piak a si. Rakhine cungah ngaihthiam hal nak zong aa tel. Ngaihthiam zong hal bal a rak si. A tak mithmuh kut tongh a phak taktak tik ah ruah ning bantuk in a si lo. An mah nih cun phung dang dang piin an thlen. A sinian mah cathanh chuah mi cu cathanh chuah mi ning si loin tlamtlinter khawh mi lei ah cun thitunh khawh a si tiah ka hmuh.
Leave a Reply