A luancia November thla chungah KNU hmunhma chung ah ralhrang phu he kahdohnak voi 200 leng a chuak, cu kahdohnak ah cun ralhrang lei tat-yin-hmu le duh-tat-yin-hmu telh in minung 190 an thi tiah KNU lei nih cathanh an chuah. KNLA, KNDO le ralhrang phu cun ralhrang phu kuttang um ramri hngak BGF hna he kahdohnak ruangah ralhrang phu BGF lei in,.
Minung 160 hrawng hliamhma an tuar tiah theih a si. Cu kahdohnak ah cun KNLA le KNDO lei in minung 7 an nunnak a liam i minung 10 nih hliamhma an tuar tiah theih a si.Ralhrang phu hna nih thla 5 chung kahdohnak kan dai lai tiah thawngthanhnak an tuah hnu ah KNU hmunhma chungah kahdohnak a chuah hi, ralhrang nih thawngthanhnak an tuah hlan nak in a tam deuh.BBC, The Chin Post
Thaton peng, TungBoKyi khua pawng December 5 ni ah ralhrang hna cawlcanghnak ral lam cu bomb puahhnawh an si tiah KNLA nih a chim. KNLA Brigade 1, Battalion 2 hmunhma chung ah rallam cawlcanghnak a tuah tu ralhrang hna cu KNLA Brigade 1, Battalion 2 le mi zapi vengtu ralkap phu hna he i bawm in bomb in an kahdoh hna hi a si. Bomb puahhnawh an si caah ralhrang 1 a thi, 2 hlim an tuar tiah theih asi.
” Nizan in ralhrang rallam an cawlcangh nak ah hmun lonh in an rat caah bomb in kahdoh an si , ralhrang lei in hliamtuar mi an tam tiah KNLA Brigade 1 tuanvo ngeitu pakhat nih a chim. Thaton peng chung ah ralhrang hna cu KNLA Brigade 1 le Thaton mizapi vengtu ralkap phu hna nih tu le tu in bomb in kan kahdoh hna i lam tan in kah nak hna kan tuah tiah a chim chap. Ref.Than Lwin Times
Leave a Reply