Ni 2 chung ah Kawl ralkap 130 an thi, PDF 5 an thi ve November 5 le 6, ni 2 chung ah Myanmar rampum huap in Kawl ralkap (Ralhrang) 130 an thi i PDF lei in minung 5 an thi ve, tiah Khit Thit Media nih an langhter. Pinlebu ah PDF nih Kawl ralkap a tlawmbik 40 thah, PDF lei 5 thi ve.
November 6| Sagaing Ramthen, Pinlebu nih Kawl ralkap a tlawmbik 40 an kahthah hna i anmah PDF lei in 5 an thi ve, tiah Pinlebu Revolution nih an thanh. Hi kahdohnak ah November 5 lio ah a cang mi a si i Kawl ralkap 700 tluk nih erhtonh in an kah hna ruang ah PDF lei in minung 5 an nunnak a liam ve hi a si.
Ralhrang nih inn khangh le thil firpiak a tong mi Thlanrawn khua caah thlacamnak he thilri bawmh Falam Baptist Association (FBA) hruainak in Ralhrang nih inn khanghpiak le thil firpiak a tong mi Thlanrawn khuami ca thlacamnak le thilri bawmhnak cu November 6 ah an tuah, tiah kan theih. “Hi thlacamnak cu Thlanrawn Baptist Biakinn ah an tuah i FBA OC nih an telpi hna.
Cun, Khrihfabu, Zaatlang Bu hna le pumpak tibantuk nih thilri bawmhnak thawhkhawm mi zong pekchanhnak an ngei,” tiah FBA nih an facebook cahmai ah an langhter. Falam Peng, Thlanrawn khua cu October 14 le 16 lio ah Ralhrang nih inn 13 an rak khangh. Hi inn 13 ah hin chungkhar milu 71 an um, tiah kan theih. Author Avatar The Hakha Times
Ralhrang nih khangh mi Rialti khua thianhhlimhnak le thlacamnak tuah Nihin November 6 ah Ralhrang nih khangh mi Falam Peng Rialti khua a kaang mi pawl thianhhlimhnak le thlacamnak cu Rialti Baptist Biakinn hmunthing ah an tuah, tiah kan theih.
Falam Baptist Association Zung riantuantu hna, CCIT Bible sainginn in tuanvo ngeitu hna le Rialti khuami hna tiin thiamhhlimhnak le thlacamnak an ngei, tiah Chinland Herald News nih a langhter. October 14 lio ah Ralhrang nih Rialti khua cu inn 13 chung ah inn 11 an rak khangh i khuami hna cu Lailun IDPs camp ah an i dor lio a si, tiah kan theih. Author Avatar The Hakha Times
Leave a Reply