NUG i Ministry Of Home Affairs and Immigration nih thlakhat chungah Ralhrang a thi mi Cazin an lak mi ah 2,000 nak tlawmlo an thi tiin theih a si. Mah Cazin cu NUG nih D-Day an thanh hnu a thla thumnak chung ah a thi mi Cazin a si. November 7 – December 6 tiang, thlakhat chung ah hramhram uknak a la tu Ralhrang in a thi mi 2,117 le hliamhma a tuar mi 682 an si tiin NUG,
Ministry of Home Affairs and Immigration nih ca thanh a chuah. Mah thlakhat chung ah Mi zapi Ralkap le Ralhrang kar i kahnak cu voi 417 a chuak, Bomb in voi 370 puah hnawh an tong. Kahdohnak a chuah tambik cu Sagaing Ram a si i voi 171 lenglo kahdoh nak a cang.
Magway ah Voi 41, Yangoon ah Voi 32, Shan ah Voi 25, Mandalay ah Voi 22, Kachin ah 22, Kayin ah 21, Mone ah 20, Chin ah 20, Pa-khu ah 17, Kaya ah 11, Tanintaryi ah 6, Rakhine ah 5, le Ayeyarwaddy ah Voi 4 kahdohnak a cang tiin an cathanh chung ah a tial. The Chin Post
Nizan December 13, 2021 ah khan Mizoram Social and Environment Activist Pi Vanramchhuangi, Ruatfela Nu tiah theihhngalh mi nih Chief Minister Pu Zoramthanga sinah Myanmar lei in Mizoram lei ah phungning lo in kuva thei a lut mi vialte donghter cang ding in halnak a tuah. Mizoram Chief Minister sin i a halnak ca(memorandum) copy hi India Prime Minister Narendra Modi sin zong ah a kuat colh.
Hlawm ngan pipi in Myanmar ram in a thlithup luhpi mi kuva thei hna nih Mizoram chung kuva thlai cing mi hna chawlehnak a hrawh ning le Mizoram zatlang nun ah thatlonak a chuahpi mi vialte cu Pi Vanramchhuang nih hin a halnak cakuat ah a tial dih i, zarh hmasa cawn nithum ni ah khan chief minister sin ah hin a rak kuat cang. Nizan cawn nikkhat ni ah khan chief minister nih a zung ah leng ding in a sawn i,
Hi kongkau ah hin biaruahnak an ngei. Rualfela Nu chim ning ah cun chief minister le a tuanpi hawi hna cu hi kong ah hin emergency meeting an ngeih lai kong a chim. Ruatfela Nu Memorandum tial mi i a langhning ah cun Indonessia, Vietnam le Thailand ram hna in kuva thei phurtu Motor thong leng cu Myanmar ram an tan hnu ah,.
Mizoram an luhpi i, kuva thei hna hi Mizoram chuak bantuk in India ram hmun dang ah an kalpi tawn tawn, tiah a tial. Hi kuva thei hna hi an tam tuk caah cozah phung ning te cun tax liam cawk zong a si lai lo, Mizoram a luh khawh nakhnga a rak bawmchhantu hna zong nih phung ning lo in tangka laak cu zei ah an rek ti lonak kong le cozah phung an buar leng ah Mizoram khuatlang nun a hrawh tuk kong zong a tial chih.
Pi vanramchhuangi nih cun Cozah sin ah tax pe tung lo in kuva thei phur motor a thongthong an i zulh khawh ko cu a ruah thiam khawh lo kong le, Mizoram cozah cu India ram le vawleipi hmuh ah smuggling lampi bantuk a si kong zong a tial chih i, nawlngeitu cozah cu a rannak i tuanvo laa colh ding in a hal hna.
Leave a Reply