Ralhrang 47 An Thah Than Hna An Rat Lei Cu An Tampi Nain An Kir Lei ah Mi Tlawmte Long An Tang

Sagaing ramtthen, Katha peng, Wai Gyi khua pawng ah KIA le KPDF nih an tarhmi mine bomb cu Min Aung Hlaing ralhraang pawl nih zei ruat loin an pah sual ruangah ralhraang 40 bak an thi, ralhraang thimi pawl ruak zong hi thawngpaang an rak thanh tiang ah hin cun an char kho rih hna lo tiah peng chung thawng zamhnak simi KR nih a langhter. Nizan November ni 9, kum 2021 zanlei suimilam 2:48PM hrawng ah khan Sagaing ramtthen,

Katha peng, Wai Gyi khua pawng hrawng ah KIA le KPDF hna nih mine bomb an tarhnak chungah ralhraang pawl lut in mine bomb tarhmi lung 4 bak an lamh sual ruangah ralhraang 40 bak an thi. Hi kong he pehtlai in KR lei in ttuanvo nei tu nih “mine bomb tarhmi chungah an lut sual, ralhraang 40 an thi, an ruak zong an char kho rih hna lo, khuami pa 4 phawchonnak ah an tlaih hna, Moe Ta khua zong ah ralhraang pawl an phan” tiah a chim.

A luan ciami November ni 8, kum 2021 ah khan Katha peng, Moe Ta khua pawng ah KIA. KPDF le ralhraang pawl kar ah kahdohnak chuak in ralhraang lei in 20 hrawng an rak thi. Nihnih chung (November ni 8 le ni 9) ah KIA le KPDF nih ralhraang 60 hrawng an thah khawh hna tinak si. Mon ramkulh, Kyaitthu peng, Ingabu khua chung um Mytel tower tung hngaktu ralhrang phu hna c,.

Nizaan November 9, zinglei suimilam 5:30 ah Kyaitthu mipi vengtu ralkap phu KRF nih an kah hna tiah theih a si. Mipi vengtu ralkap KRF phu nih an kah hna caah ralhrang phu he minutes 30 hrawng kaphnih kar kahdohnak a chuak, cu kahdohnak ah cun ralhrang phu lei in minung 6 an thi ,mipi vengtu ralkap phu lei hliamtuar an um lo tiah KRF nih a social media ah a langhter. Than Lwin Khet

Mon ramkulh, Billin peng , Yutuk Sanpiah khua ah USDP Palai hlun U San Tun Oo nizaan zaan ah thah a tong tiah khuami hna sin in theih asi. ” Nizaan zan Sml 8:00 hrawng ah thah aton hi asi. Kuan 8 nih a khen. A lu lawngte ah an khen. Akap tu hi ho asi tiah ka thei lo” tiah khuami pakhat nih achim.

November 10 zinglei ah Dagon Myo Thit Sikkan peng ,88 veng khuabawi Ting Zaw meithal in kah a ton ve tiah khuami hna nih an chim. ” Thah a tonnak hmun cu 87 veng Thu Thet Thar lakphak ti dawr chungah kah an ton hi asi.Tuzing Sml 7:30 hrawngah an kah. Lakphak ti dawr ah thu in a ei lio ah asi.Amah lawng an kah i a thi colh” tiah khuami pakhat nih achim. Khit Thit Media