Nizan ah Council Ralkap North West Command Commander Gangaw a phan; Ralhraang lei nih raltuknak an thawk khawh ca ah ralrin a herh tiah an chim. September 5, 2021 Nizan, September 4 ah uknak chuttu Council kuttang ralkap bu, North West Command ah Commander (Taing Hmu) a tuan lio mi Brigadier General Phyo Thant cu Gangaw khua a rak phan i Kha-Lah-Yah Battalion No. 50 kulh chung ah Ralkap Council chungtel pawl he tonnak an ngei tiah theih a si.
COVID-19 le uknak kong ah a ra tiah an langhter ko nain a biapi in a rat hnawhchan cu raltuknak kongkau a si kho tiah rammi runvennak bu lei nih an chim. Gangaw kiangkap ah Council ralkap le PDF pawl i kahnak a um lengmang i Council ralkap lei in tampi an thi cang. A luan cia ni hnih hrawng ah ralkap helicopter aa helhum lengmang mi zong hi PDF camp pawl an kawl mi lawng siloin
ralbawi a rat lai ca runvennak ah an i hrocer zong a si kho tiah tualchung mi cheukhat nih an chim. Ralkap Command Commander pawl an rat ahcun raltuknak a fah khawh ca ah Gangaw le Yaw ram chung ah runvennak ralrin ngai a herh ti in tualchung media nih an langhter. Photo: North West Command Commander le tualchung Ralkap Council chungtel pawl an i ton lio (Credit: Gangaw Youth Voice) _The Hakha Post _PDFEnter
ASEAN ram an taw a za cang UN meeting le biachanak a nai, D Day anai chin lengmang caah Asean ram hi an taw aza cang, cu hlan vialte dai tein kawlram kong ah an i um ter. Nunnak tampi a liam hnu ah kawlram cu atha bik in daihnak kan ser pi hna lai an ti, sualnak ngei lo tampi an thih hmanh ah Asean phung in siseh azei lei hmanh in ralkap an kham kho hna lo, an riantuan ning nih kawlram mipi rampi himnak ape kho lo.
Cucaah ralrin ahau i kan lung aa rual taktak hau mi cu Asean ram hna nih kawlram thil cang mi kong ah Peace process phun in cawlcangh hram an thawk pah mihi kan doh a hau lai. Atu hi DAIHHAK peace ca men ah kan buai mi asi lo, federal uknak ca kan buai mi asi hi kan hngalh camcin hau.
Asean ram nih cabuai cung ah daihnak peace process in aa kan hruai ahcun 2020 thimnak result kha hrawh ve i ralkap hruai nak in tuah ding mi thimnak hi NUG nih cohlan a hau hnga. Ralkap duh ning in thimnak tuah asi ahcun federal kong caih khannak ah dawn khan tu bik 2008 phunhram a nung than lai. Cu phunghram tang in thimnak tuah asi hnga.
2008 phunghram a nun ahcun hluttaw ah ralkap 25% an nung than lai caah federal hi hluttaw thutden cung men in kan hmu kho ti lai lo. Thimnak tuah than cu tlangcung Miphun hna nih aduh zong kan duh khawh men mi asi, asinain hihi ralrin bak herh mi asi. Thimnak tuah than ding kan cohlan ahcun phunghram kan nuntar than he aa khat tihi philh lo hau.
Cucaah ralkap tuk hi caan sau lak loin tei an herh. Caan sau nawn i tuk asi ahcun ramchung harnak tampi achuak lai, thisen tamtuk aluan lai caah NGO, INGO, Ramkheel party le Asean ram hna nih cabuai cung ah daihnak kong caih pi in aa kan luh pi sual lai tihi phan um Ramchung daihnak cu kan duh mi asi ko nain daihnak taktak caah ahram pi asi mi federal hmuh kha a herh hmasa mi asi. Federal kan hmuh khawh loding daihnak ser cu daihnak taktak um kho lo.
Nihin i nunnak pe cang mi hna hi daihnak ca men ah nunnak pe mi an si lo, adik mi federal democracy caah nunnak an pek mi asi. Cucaah kan i tinh mi kawltung phak nak dingah ralkap tuk cu aherh bak, akar lak ah politics tha lo tamtuk aluh manh nak hnga lo ralkap hi tuan ah tei colh a hau.
Kan mipi an lungdawngh hlan le caan sautuk an tuar nak hnga lo tuan te ah tei hau. Asean ram mi nih Kawl ram mipi le tlangcung miphun kan duh mi federal he aa kalh in an cawlcangh mi vialte kan doh chih aherh. Cucaah Pumpak cio nih online zong in siseh aphu phu zongah Kan mah le kan thiam ning cio in federal caah thangpi in kan au peng hna aherh. Lairam Laipa
Leave a Reply