Raldohnak Ngan A Chuak Cang Lai Ralhrang Kan Thianh Ding Lai Ti Si Ko

Karen National Defence Organization, K.N.D.O le KNU-KNLA nih ramchung ramleng mipi dihlak sin ah raldohnak a faak chin cang lai tiah cathanh an chuah i zeitik hmanh ah hnukir an timh lonak, a dih dongh tiang a herh ning in kan peh cang lai timi cathanh an chuah. An cathanh Tlangtar ah “Raldohnak a faak chinchin cang lai” tiah,.

An langhter hnu ah a taang lei bantuk hin ramchung ramleng mipi dihlak sin ah theihternak an tuah hi asi.“Atu lio a cang cuahmah mi KNU hmunram Lay Kay Kaw raldohnak ah SAC ralhrang cu faak ngai in an sung i a rak kai mi pawl an kir cang ko nain, atu hi SAC ralhrang lei nih raldohnak pical taktak dirhmun in thazaang an rak chap,

An hriamnam le ralhrang milu an rak chap caah faaktuk in kahnak, raldohnak a chuak than lai. A luancia nikhat nihnih lio i kan i kah mi nak in atu a ra lai mi raldohnak hi a fak chinchin kho dirhmun ah kan um cang. Cu caah ramchung ramleng a um mi kan unau dihlak,

SAC ralhrang a mawhchiat i a cohlang lomi pawl, atu a ra lai mi Raldohnak a faktuk ding mi ah fek tein nan kan dirpi cio nak lai, KNU-KNLA, KNDO nih kan i nawlpat hna i forhfialnak kan rak tuah” tiah an langhter hi asi. Aluancia ni tlawmpal ah khan SAC ralhrang pawl cu KNU hmunram ah an lut i civil minung,

CDM a tuah mi le NLD MPs pawl an tlaih hna. Cu tlawmpal ah KNU-KNLA lei nih an kah hna i kaphnih lei faak ngai in kahnak a chuak. SAC ralhrang pawl cu zohchia tuk in an sung nain atu hi faaktuk in KNU nam an timh tthan tiah an cathanh mi chung in hmuh khawh asi. Thlacam cam piak hna usih.