Sagaing PDF Bu 3 Fonh nih SAC Ralhrang an Den Hna Nizaam Seprember 22, zaanlei sml. 4:00 hrawng ah Sagaing ramtthen, Pyinlaybu peng chung ah PDF bu 3 fonh nih SAC ralhrang an kah hna i ralhrang tampi an thih hnu ah saimahrang in an zaam dih hna. SAC ralhrang bu no. 44 pawl cu Pyinlaybu peng, Naung-moe khuate in Wanbe-in khuate lei an kal lio,
Moemit Tiva hlei cung ah PDF-Pyinlaybu, PDF-Kawlin le PDF-Wanthu nih an kah hna hi a si. “A thimi SAC ralhrang lak ah major rank pakhat aa tel. Miruak cheukhat motor cung ah an khin i an zaampi hna. Asinain, acheu cu hlei tang tiva chung ah an hlonh ta hna,” tiah khuami pakhat nih a chim. SAC ralhrang pawl nih an tliktakmi ralhraim tampi zong PDF nih an lak khawh hna. The Chin Journal Spetember 23, Yango
Sagaing ramthen, Tanh See peng, Kyi Kone khua ah palek chungkhar cheukhat cu thah an si hnu in ralhrang hna nih tuzing suimilam 10:00 hrawng ah mawtaw 2 in an lut i an hmuh mi poh an kah hna khua cu mei in an kangh tiah theih a si. “Tuzing Suimilam 10:00 hrawng ah an rak lut i facang phorhnak mawtaw in a langhlat in kan hmuh hna.
Khuami cu kan zaam dih cang.Inn an kan khangh.Kanmah zong kan zaam cio i a ho an tlaih ti le inn zei zatdah kang ti zong fiang tein kan thei kho rih lo “tiah khua mi pakhat nih a chim. September 22 nizaan ah Kyi Kone khua ah an i kap i Phawsawthi tiah ruah mi U Ye Myint, A nupi le A fa nu, le a nu le 2 hna cu thah an si.
“Nizan ah khua ah i kahdohnak a um, Meithal thawng hna thangtuk in kan theih i khuami kan zaam. U Ye Myint inn cu an rak kah.A fanu a va cu palek asi.Inn a kang i U Ye Myint le a nupi le a fa nu thah an si. Kum 3 ngakchia pakhat zong thah a tong mi chung in a tel. Ralhrang hna an rak lut i kah le khanghnak hna cu nizaan thilcang mi he a pehtlaih caah khuami dihlak kan zaam dih tiah khuami pakhat nih a chim. Khit Thit Media
Leave a Reply