Ralbawi Pahninh Rian In An Ttumh hna

Ralbawi rengsang taktak a simi minung pahnih cu Min Aung Hlaing nih rian a dinh ter hna i Pension a pek hna tiah kan theih. Atu Min Aung Hlaing ralhrangbu nih Pension an pek mi hna ralbawi pahnih hna i bochan mi, tihzah mi rengsang taktak an si lawng si loin NLD Cozah chan ah tuanvo ngan taktak pek mi an si tiah RFA nih a tarlangh.

Pension an pek mi hna ralbawi cu U Sein Win le Ye Aung an si i an pahnih in Lieutenant General Rank Dutayah Bo Hmu Kyi an si. Lieutenant General Sein Win hi NLD Cozah chan ah Defense Minister sinak a tlaitu a si i Lieutenant General Ye Aung hi NLD chan ah ramri lei tuanvo ngeitu Minister of Border Affairs sinak vuanci an pek mi a si tiah an chim.

“Lieutenant General Sein Win le Ye Aung cu Pension pek an si cang. Ralkap an sinak, Ralkap bawi ngan an sinak in thumh an si cang. Cun nihin ah khan Ralkap pension pawl tonnak le biaruahnak tuah a si i cu ahcun Lieutenant General Sein Win cu Ralkap Pension pawl hruaitu lutlai Chairman sinak pek a si.

Cun Ye Aung zong Vice Chairman ah an chiah ve. Nihin ralkap pension pawl tonnak meeting ahcun Min Aung Hlaing zong a rak kai ve” tiah nihin meeting a kai mi pakhat nih RFA sin ah a chim hi asi. Atu Min Aung Hlaing nih pension a pek mi hna Ralbawi ngan taktak pahnih hna hi NLD Cozah chan ah sinak sang ngai,

Defense Minister le Border Affairs Minister sinak tiang a tlaitu an si i Ralkap nih rampi uknak an lak hnu in an sinak zong rak lak kha a si ve. Cun an mah hi NLD he aa neihniam mi an si timi lunghrinhnak ruang ah pension an pek mi hna a si lai tiah zumh bik asi. V.O.M

Kachin ramkulh, Phakanh peng, Lung Khin khuakomh Hmawsiya high school ah November 26 tuzing ah bomb apuak i saya/ sayamah le siang ngakchia cheukhat tel in minung 6 an hliam tiah kan theih. Zingka sml 8:15 hrawng ah siang ngakchia le saya/ sayamah pawl sianginn an kai cuahmah lio ah kutkaa pawng ah bomb apuah hi asi i ahliam mi hna cu Phakanh siizungpi ah an chiah hna tiah kan theih.

” Bomb puah hliam ahnu mi hna cu kan mah mawtaw 2 in kan lak hna i Phakanh siizung ah kan chiah hna. An hliam cu an keng, an paw, an ke, an phei hna ah an hliam ,an zapi in 6 an si. Saikal acit mi pakhat, Saya pakhat, sayamah 2, siang ngakchia 2 an si i mah chung ah cun sayamah pakhat le Saikal acit mi pa cu an thi tamtuk a chuak i an nunnak caah thinphang an si.

Mithmu tu nih achimnak ah cun Saikal cittu pa nih sianginn hmai an tan bak ah bomb hmahmi cu a rial i bomb cu apuak ahnu ah ara mi saya/ sayamah hna le siang ngakchia hna cu a hliam chih hna tiah achim. Adang media ah cun saya/ sayamah le siang ngakchia nu le pa tel in 8 an hliam tiah an langhter.

Sayamah kyi nih mawtaw cu rang tuk in amawngh i sianginn luhnak pawng hawr pawng ah aum mi bomb cu a rial i amawtaw hnu lei ke a kuai dih. Mah singinn ah cun tuthla ni 6 lio ah khan bomb pakhat apuak bal cang i ahliam mi cu an um lo tiah achim. DVB

Be the first to comment

Leave a Reply

Your email address will not be published.


*