Ral an tthawnnak le an dernak hngalh bu in i timhlamh kha a biapi. A palhmi information cun, timhlamhnak (plan) a palh ve lai

FACT-CHECK – KAWL RALKAP NIH RALTUKNAK VANLAWNG 7 LAWNG A NGEI MAW? Global Fire Power nih 2021 ca in a langhtermi ah Myanmar nih raltuknak vanlawng phunphun a ngeihmi zat ah 287 a si.Vawleicung ram 140 lak ah raltuknak vanlawng ngei bik 34nak a si. Europe ram Swenden, Finland, Switzerland, Norway, Denmark, Austria tbk. nakin raltuknak vanlawng a ngei tam deuh.

Factorymilitary.com nih 2021 ca in a langhter vemi ah, Myanmar nih raltuknak vanlawng 275 ringlo a ngeih, a ti ve.
Cucaah, raltuknak vanlawng 7 hrawng lawng a ngeih timi bia cu, a diklomi bia a si. Ral an tthawnnak le an dernak hngalh bu in i timhlamh kha a biapi. A palhmi information cun, timhlamhnak (plan) a palh ve lai. Salai B Chan Khar

Breaking News – ICC le Argentina biaceihzung nih kuat mi ca, tlaihding nawlpek nak ca, biaceih ding auhnak ca pawl cohlan lo ding in Min Aung Hlaing nih a thlithup in a fial hna.Min Aung Hlaing le Ralbawi pawl sin ah ramkip biaceihzung ICC, Argentina biaceihzung telh in ramkip bu hna nih rak kuat mi ca,

tlaihding nawlpeknak ca, biaceih ding pek mi ca pawl cu cohlan lo ding in Min Aung Hlaing nih thlithup in a fial hna tiin theih a si. Ralhrang council hotu Min Aung Hlaing nih fialnak ca cu Nayphidaw biaceihzung nganbik ah kuat a si i Biaceihtu lubik Tun Tun Oo zong nih a kut tang rianṭuantu sin ah ramleng in a lut mi ca pohpoh cohlan lo ding thlithup in a fial hna tiin theih a si.

Biaceihzung i rianṭuantu zong nih DHL telh in ramleng in a rak lut mi dihlak cohlan lo ding in fial kan si tiah an chim.Kawlram chung Rohingya pawl cihmih dingin thahnak le uknak an lak hnu mipi a thahnak hna ruang ah Min Aung Hlaing le ralbawi hna cu ICC le Argentina biaceihzung hna ah biaceih ding thok a si cang. Ref: Khet Thit Media

Be the first to comment

Leave a Reply

Your email address will not be published.


*